Мінівэн апынуўся ў канаве

Па словах удзельнікаў ДТЗ, аварыя адбылася раніцай каля паловы дзявятай, калі рух транспарта быў інтэнсіўны. Жыхар вёскі Ганцавічы Віталій Кавалевіч на аўтамабілі «Фольксваген Шаран» рухаўся па галоўнай дарозе ў бок аўтавакзала, а ганцаўчанін на «Аўдзі» паварочваў з вуліцы Будаўнікоў налева і правым бокам па касаючай ударыў у мінівэн.

«Фольксваген» панесла ў глыбокую канаву, і спыніўся аўтамабіль, урэзаўшыся ў бетонны слупок, на якім вісеў знак «Галоўная дарога». Вадзіцель атрымаў парэз рукі, але сам здолеў выбрацца з машыны, і шпіталізацыя яму не спатрэбілася. Па словах Віталія Кавалевіча, ён ехаў з невялікай хуткасцю, інакш наступствы маглі быць непрадказальнымі.

„Аўдзі” атрымала толькі невялікія ўмяціны і драпіны крыла і бампера.

Хто вінаваты ў ДТЗ, павінны высветліць супрацоўнікі ДАІ.