24 мая па ўсёй Еўропе адзначаецца Дзень паркаў. Адзначыць гэтую дату ёсць падставы і ў Ганцавіцкім раёне. На тэрыторыі нашага раёна налічваецца чатыры прыродаахоўныя тэрыторыі рэспубліканскага значэння – заказнікі: Выганашчанскі, Падвялікі Мох, Борскі, Ялоўскі, а таксама помнік прыроды мясцовага значэння Сасна Веймутава.
У нядзелю 28 жніўня праваслаўная царква адзначае Успенне Прасвятой Багародзіцы. У гэты дзень сваё пасаднае свята адсвяткуюць адразу некалькі хрысціянскіх святыняў на тэрыторыі Ганцавіцкага раёна. Гэта Свята-Успенская царква ў вёсцы Хатынічы, а таксама дзве капліцы – у вёсцы Гута і ў лясным урочышчы Ізбійскі Бор.
У фондах Ганцавіцкага раённага краязнаўчага музея захоўваецца досыць цікавы дакумент “Гадавая ведамасць суконнай фабрыкі ў вёсцы Ясянец на зямлі памешчыка Ксаверыя Абуховіча ад 20 лістапада 1832 года”. Цікавы ён не столькі ўпамінаннем у ім дастаткова вядомага шляхецкага роду Абуховічаў, а практычна поўным апісаннем, у большай ступені статыстычным, прадпрыемства па вытворчасці сукна.
У лютым гэтага года была прэзентавана кніга «Беларусы ў фотаздымках Ісака Сербава 1911 – 1912 гадоў», якая была выдадзена ў серыі «Энцыклапедыя рарытэтаў». Ісак Сербаў – беларускі этнограф, фалькларыст і археолаг, які ўдзельнічаў у працы па зборы і ахове помнікаў мастацтва і гісторыі. Ён першым з беларускіх этнографаў стварыў вялікую фотатэку, у якой зафіксаваныя тыпы адзення жыхароў розных куткоў Палесся, жылля, гаспадарчых пабудоў, вырабы рамёстваў.
6 мая (23 красавіка па старым стылі) праваслаўным насельніцтвам адзначаецца царкоўнае свята ў гонар святога вялікапакутніка Георгія Перамоганосца – так званы цёплы Юр’еў дзень. У гэтае свята свой 242-і дзень нараджэння адзначае Свята-Георгіеўская царква ў вёсцы Вялікія Круговічы.
Пад такой назвай 18 красавіка ва ўсім свеце адзначаецца Міжнародны дзень помнікаў і гістарычных мясцінаў, дэвіз якога «Захаваем нашу гістарычную Радзіму». У Ганцавіцкім раёне спіс помнікаў гісторыі, архітэктуры і археалогіі на сённяшні дзень налічвае больш за 80 аб’ектаў, з якіх 24 унесены ў Дзяржаўны спіс.
