Тутэйшыя гісторыі” прадстаўляе лялечны тэатр “Батлейка”

Ганцавіцкі раённы Дом рамёстваў, запрашае на спектакль  "Тутэйшыя гісторыі. Частка І" традыцыйнага лялечнага тэатра "Батлейка", які адбудзецца 21 лютага. 

Тутэйшыя гісторыі” прадстаўляе лялечны тэатр “Батлейка”
Фото: Петр Гузаевский

Нашыя продкі ўмелі не толькі працаваць, але і адпачываць. Ад смутку і нуды іх ратаваў батлеечны тэатр. Батлейка мае выгляд скрынкі, у якой рухаюцца лялечныя персанажы.

У традыцыйных прадстаўленнях магло дзейнічаць да 40 персанажаў. Гэта ўласна святая сям’я, пастушкі, анёлы, а таксама народныя героі – чорт, смерць, пан, цыган, казак, габрэй і інш.

Наведнікі спектакля пабачаць традыцыйныя для батлеечнага тэатра сцэны “Мацей і доктар”, “Бэрка-карчмар”, “Казак-небарак”, “Антон з казой ды Антоніха” і інш., пазнаёмяцца з беларускімі народнымі традыцыямі і даведаюцца, як калісьці забаўляліся нашыя продкі.

Запрашаем выхаванцаў дзіцячых садкоў, вучняў пачатковых і сярэдніх класаў групамі ад 10 чалавек.

Працягласць – 45 хвілін. Кошт – 1 руб.