На вадасховішчы Лактышы рыбачыць можна па льготах

Колькі каштуе рыбалка? / Фото: з архіву "ГЧ"

Сітуацыю пракаментаваў дырэктар прадпрыемства Генадзь Жыбурт.

У прыватнасці ён адзначыў: “Дагавор на арэнду вадасховішча дзейнічае да 11 снежня 2026 года. Расцэнкі на рыбалку вар’іруюцца ў залежнасці ад таго, хто ловіць рыбу”.

Білет на разавую рыбную лоўлю на вадасховішчы Лактышы цяпер каштуе 10 рублёў. Але ёсць льготы пенсіянерам, жыхарам навакольных вёсак вакол вадасховішча і членам “Беларускага таварыства паляўнічых і рыблолвов” (БТПР) Ганцавіч. Льготны квіток для гэтых катэгорый людзей будзе каштаваць 6 рублёў.

Таксама пра Лактышы чытайце тут: У Лактышах заробак даюць кансервамі, а працоўны час скарачаюць

Платная рыбалка на вадасховішчы ўпершыню была ўведзена з студзеня 2015 года. Само вадасховішча збудавана ў 1977 годзе для арашэння меліяраваных зямель і водазабеспячэння рыбнай гаспадаркі «Лактышы». Катлавіна з’яўляецца часткай забалочанай поймы. Ваганні ўзроўню вады на працягу года тут складаюць каля 2 метраў.

У апошнія гады па словах рыбакоў у Лактышах ужо не так шмат рыбы, як было раней. Але ўсё роўна людзі едуць сюды з розных кутоў Ганцаўшчыны і нават з другіх раёнаў, каб парыбачыць.