Развіццё бізнесу ў горадзе Ганцавічы патрабуе падтрымкі

Развіццё бізнесу ў горадзе Ганцавічы патрабуе падтрымкі

Сваю пазіцыю яны абумоўліваюць тым, што зараз дзейнічае спрошчаная працэдура рэгістрацыі ІП і юрыдычных асоб, а мясцовая ўлада стварае спрыяльныя ўмовы для развіцця бізнесу. У нашым раёне можна займацца агратурызмам, фермерствам ці пераапрацоўкай сельгаспрадукцыі.

З такой пазіцыяй згодны не ўсе. 55% апытаных мяркуюць, што перспектывы развіцця бізнесу ў горадзе Ганцавічы несуцяшальныя, бо даходы ў насельніцтва значна меншыя, чым у другіх рэгіёнах (так лічаць 23%), высокая канкурэнцыя (6%), дый і займацца бізнесам людзі, якія маглі б, не хочуць (29%). Выгадней стабільна атрымліваць зарплату з бюджэтнай казны, не задумваючыся, як здабыць грошы на зарплату сабе і работнікам, заплаціць падаткі і г.д.

Але ёсць яшчэ важная праблема – гэта адсутнасць інфармацыйна-адукацыйнай дапамогі, без якой разлічваць на развіццё бізнес-сектару не варта.

Пэўныя захады былі зроблемы ў студзені мінулага года. У Ганцавічах быў створаны раённы савет па развіцці прадпрымальніцтва. У яго ўвайшлі прыватныя бізнесмены і работнікі райвыканкама. Але стварылася такое ўражанне, што савет створаны для “галачкі”.

Чаму? Роля бізнесменаў у гэтым савеце сумніўная, бо дапамагаць жадаючым, якія хочуць пачаць свой бізнес, наўрад ці ўваходзіць у іх інтарэсы. Ствараць сабе дадатковую канкурэнцыю ім нявыгадна. А работнікі райвыканкама і раней аказвалі кансультатыўную падтрымку па рэгістрацыі ІП і юр. асоб. Для паўнацэннага развіцця бізнесу гэтага мала. Узнікае пытанне: што наваяўлены бізнесмен будзе рабіць пасля дзяржаўнай рэгістрацыі? Дзе прайсці навучанне, як скласці бізнес-план, як атрымаць субсідыю ці крэдыт?

Ёсць вопыт іншых гарадоў, дзе створаны так званыя бізнес-інкубатары, праводзяцца бясплатныя семінары. Ганцавічы браць іх вопыт на ўзбраенне пакуль не спяшаюцца.