У Ганцавічах “нарадзіўся” Скарына

“Такім чынам маем намер прыцягнуць увагу моладзі да творчасці выдатнага беларускага дзеяча Францыска Скарыны“, – патлумачыла спецыяліст Ганцавіцкай цэнтральнай раённай бібліятэкі Таццяна Маляўка.

Пасля фільма кожны з удзельнікаў мерапрыемства мог азнаёміцца з літаратурай пра Францыска Скарыну. Для гэтага ў кінатэатры працавала кніжная выстава.

Цікавыя факты пра ўніверсальнага асветніка Скарыну школьнікі, якія намагліся і прыйшлі на кінападарожжа “Вечнае слова Скарыны, замацавалі пад час літаратурнай віктарыны.

Скарына нарадзіўся ў сям’і заможнага купца ў Полацку, буйным гандлёвым і вытворчым цэнтры Вялікага Княства Літоўскага, імаверна атрымаўшы там першапачатковую адукацыю.

У 1504 годзе паступае ў Кракаўскую акадэмію, дзе атрымлівае ступень бакалаўра, у 1512 годзе ў Падуанскім універсітэце Скарына атрымае ступень доктара медыцыны.

Пераехаўшы ў Прагу менавіта тут, 6 жніўня 1517 года Скарына выдае першую друкаваную беларускую кнігу — «Псалтыр».

Францыск Скарына лічыцца адным з найвыдатнейшых гістарычных дзеячаў Беларусі. У яго гонар названы вышэйшыя ўзнагароды краіны: медаль і ордэн. Яго імя носяць Гомельскі ўніверсітэт, Нацыянальная бібліятэка, недзяржаўнае грамадскае аб’яднанне «Таварыйства беларускай мовы імя Францішка Скарыны» і іншыя арганізацыі і аб’екты. У гонар Францыска Скарыны ў розных краінах усталяваны помнікі, зроблены скульптурныя і жывапісныя выявы.