Карціны Ганцавіцкіх мастакоў пабывалі ў Англіі
З дыпломамі, сувенірамі і прыемнымі ўражаннямі вярнуліся агарэвіцкія школьнікі з рэгіянальнага конкурсу дзіцячага малюнка «Спадчына-2018», які адбыўся 28 красавіка ў Івацэвічах і быў прысвечаны тэме «Экалогія душы – экалогія Зямлі».
«Дзеці атрымалі шмат пазітыву і карысны вопыт, – распавяла настаўнік мастакоў Ала Мірзаліева. – Але самае галоўнае, што нашу працу ацанілі».
Конкурс зусім малады, ён праводзіцца трэці год. І агарэвіцкія мастакі бяруць удзел у конкурсе другі год запар. На гэты раз шасцікласніца Кацярына Волах атрымала дыплом трэцяй ступені за малюнак «Дарога ў чароўны лес». Яе пейзаж спадабаўся работнікам Івацэвіцкага лясгаса, якія ўваходзяць у склад заснавальнікаў конкурсу.
Дзевяцікласнік Аляксандр Горбач удзельнічаў у конкурсе ўпершыню і атрымаў дыплом фіналіста за малюнак з выявай агарэвіцкай царквы пад назвай «Яднанне». Аляксандру Горбачу падабаецца яго захапленне. «Малюю з дзяцінства.
У конкурсах не ўдзельнічаў, упершыню тут, і мне вельмі падабаецца». Аляксандр кажа, што сваю будучыню хоча звязаць з мастацтвам. Магчыма, некалі агарэвіцкіх мастакоў будзе ведаць уся краіна і не толькі. Пасля пленэра іх малюнкі будуць экспанавацца ў краязнаўчым музеі ў Івацэвічах. Пазней некаторыя, у тым ліку і Кацярынін малюнак, адабралі для выставы ў Англіі.
Працы агарэвіцкіх дзяцей прайшлі адбор у першым этапе конкурсу, які праходзіў дыстанцыйна.
Па выніках адбору яны атрымалі запрашэнне на пленэр, дзе прадстаўлялі студыю выяўленчага і дэкаратыўна-прыкладнога мастацтва «З рога ўсяго многа», якая працуе пры Агарэвіцкім СДК з 2001 года. Да студыі дзеці займаліся ў гуртках. А з 2010 года студыя мае званне ўзорнай.
Падчас пленэра дзеці сядзелі на вуліцы з мальбертамі і малявалі івацэвіцкія пейзажы. У Івацэвічы з`ехаліся 110 юных мастакоў з 13 раёнаў Брэсцкай вобласці, а таксама з Гродзеншчыны. Адметна, што ў Івацэвічах ёсць сапраўдная школа юных мастакоў, якія штогод заваёўваюць узнагароды на ўсялякіх мастацкіх імпрэзах.
«Вельмі карысна было адчуць тэмп працы іншых удзельнікаў. На пленэры патрэбна хутка працаваць, а дзеці прывыклі маляваць павольна. Цікава было назіраць за працай дзяцей рознага ўзроўню падрыхтоўкі. Цяпер мы нацэльваемся на тое, каб у наступны раз выступіць яшчэ лепш», – кажа Ала Мірзаліева.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит