Чытачы Ганцавіцкай бібліятэкі змогуць пазнаёміцца з навінкамі сучаснай беларускай літаратуры

Усяго па Дзяржпраграмме “Культура” у гэтым годзе на папўненне фондаў бібліятэкі было выдаткавана з мясцовага бюджэту амаль 3 тысячы рублеў. Большая частка літаратурных навінак была набыта ў выдавецтве “Планета кніг”, што ў Магілеве. Гэта найперш кнігі з серыі фантастыкі, дэтэктываў і жаночых раманаў.

Але ёсць і набыткі сучасных беларускіх твораў. Напрыклад выдадзены ў 2016 годзе дэтэктыўны раман-рэбус маладога пісьменніка Андрэя Лазара “Таварыства кнігалюбаў”. Яшчэ адзін сучасны твор належыць пяру пісьменніцы Ганна Севярынец. Яе раман «Дзень Святога Патрыка» стаў пераможцам ліатратурнага конкурса «Новая глава» у 2016 годзе. У 2017 кніга была выдадзена і вось яна апынулася на паліцах бібліятэк. Гэты твор аб трагізме ў жыцці і творчасці беларускіх пісменнікаў, пэўных асоб, пра захаваныя імі праз самыя розныя, часам – нечалавечыя выпрабаванні турмой і катаваннямі, годнасць, гонар, чалавечнасць.

У хуткім часе цэнтральная раенная бібліятэчная сістэма папоўніцца духоўнай літаратурай выдавецтва “Беларускі Экзархат”. Такім чынам агульная колькасць атрыманых у фонды кніг перавысіць 700 экземпляраў.