Назіральнікаў на выбарах у Ганцавічах пасадзілі каля туалета
Па наказ прэзідэнта, які завяраў, што гэтыя выбары будуць “самыя чэсныя і празрыстыя” у Ганцавічах забыліся ўжо на другі дзень датэрміновага галасавання. На выбарчым участку №4, які знаходзіцца ў ГДК, члены выбарчай камісіі выдалілі назіральнікаў з памяшкання для галасавання, і пасадзілі іх у калідоры каля туалета.
Гэта ўсё, што маглі бачыць назіральнікі ў сераду на выбарчым участку №4 у Ганцавічах / Фото: Святлана Малышка
У першы дзень галасавання ніякіх праблем не было, і яны сядзелі, як і вызначана выбарчым заканадаўствам, у памяўшканні для галасавання. У сераду, 15 снежня, двое назіральнікаў, якіх вылучылі грамадзяне шляхам збору подпісаў, маглі сачыць за тым, як праходзіць датэрміновае галасаванне, толькі праз праём дзвярэй. “Зараз мы нічога практычна не бачым, як выдаюцца бюллетэні, скрыня для галасавання таксама не ў полі зроку, і што туды кідаюць і колькі мы не ў стане”, – сказала адна назіральнікаў Галіна Канінец. – Затое бачым усіх, хто ходзіць у туалет.

Як высветліў журналіст “ГЧ”, выдалілі іх без прычыны. Ніякіх заўваг у членаў камісіі назіральнікаў не было. Старшыня ўчастковай камісіі Валерый Русакевіч, адказаў “ГЧ”, што ў тым памяшканні цесна і яшчэ нехта з прагаласаваўшых паскардзіўся, што праз шчыліну ў кабіне для галасавання назіральнікі маглі бачыць за каго яны галасавалі.

Журналіст “ГЧ” спрабаваў даведацца ў В. Русакевіча, калі і хто скардзіўся. Аказалася, што гэта ікогніта. Ну, так яно ж і зразумела, чэсныя і празрыстыя выбары, дзе скардзцца інкогніта і ананімы. І гэта выклікае вялікія сумненні, а ці быў хлопчык, як кажуць? Ці гэта такія ж выдумкі, як і абсурдная прычына, па якой назіральнікаў выдалілі і перашкаджаюць іх працы.

Не ілшнім будзе нагадаць паважаным членам УВК, што іх абавязак стварыць умовы для нармальнай работы ўсіх удзельнікаў выбарчага працэсу. А, згадзіцеся, садзіць назіральнікаў каля туалета ў іншым пакоі гэта не толькі не нармальна, але і непрыстойна. Па-чалавечы, дык гэта здзек на людзьмі і ганьба гэтай камісіі.

І “віна” гэтых назіральнікаў толькі у тым, што камусьці не спадабаліся іх “залішняя” пільнасць, бо яны ні на хвіліну не адыходзяць з і сочаць за ходам галасавання з пачатку адкрыцця выбарчага ўчастка і да вечара. Таму і з’явілася такая нярвознасць у членаў камісіі, бо назіральнікі, сапраўды незалежныя і чэсна выконваюць сваю справу, каб потым расказаць пра выбаршчыкам, наколькі ж сапраўды свабодна і адкрыта праходзілі гэтыя выбары.
Можна задацца пытаннем? Калі выбары будуць чэснымі і адкрытымі, як таго патрабуе выбарчае заканадаўства, калі не плануецца ніякіх фальсіфікацый, то чаго нервавацца? Сядзіце сабе, працуйце, выдавайце бюллетэні і потым правільна іх палічыце. Усё, што патрабуецца – адкрытасць і чэснасць.

Але ўжо ў чарговы раз ганцавіцкія чыноўнікі, быццам бы назнарок падводзяць кіраўніка дзяржавы, даючы повад для роздуму жыхарам нашага раёна,а таксама назіральнікам СНД і АБСЕ ў аб’ектыўнасці і адкрытасці выбарчага працэсу.
Ёсць яшчэ спадзяванне, што сваю памылку выбарчая камісія тэрмінова выправіць. А каб гэта было хутчэй, і каб мірна ўрэгуляваць канфлікт, у чацвер накіраваны скаргі пракурору і раённую выбарчую камісію. Сачыце за працягам.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит
Из рубрики
Фейки октября. Как госСМИ превращали новости в пропаганду
В октябре государственные СМИ объявили Польшу мировым лидером по импорту оружия, записали почти четыре тысячи гектаров литовского леса в уничтоженные и назвали США виновными в подрыве «Северных потоков». Мы сверили эти заявления с первоисточниками и увидели, где авторы убрали важное уточнение, где перепутали месяц, а где вместо доказательств предложили собственную версию событий.
Семья по методичке: как госСМИ разнесли традиционные ценности по стране
Любить, жениться и рожать детей чиновники теперь учат по государственным методичкам. 15 октября 2026 года тема «традиционных ценностей», выросшая из единого методического сценария, хлынула в областные и районные газеты, на сайты и в Telegram-каналы, причём молодёжи, рабочим и интеллигенции приготовили разные версии того, как правильно жить.