
У заяве афіцыйнага прадстаўніка Дзярждэпартамента ЗША Філіпа Кроўлі гаворыцца, што Злучаныя Штаты аб’яўляюць аб увядзенні мер у адказ на «брутальнае падаўленне прэзідэнтам Лукашэнкам і ўрадам Беларусі дэманстрацыі пасля прэзідэнцкіх выбараў», «непрапарцыянальнае прымяненне сілы і затрыманне соцень дэманстрантаў, уключаючы пяцярых кандыдатаў у прэзідэнты, працяг рэйдаў супраць грамадзянскай супольнасці, СМІ і палітычных партый, закрыццё офіса АБСЕ ў Мінску і фальсіфікацыі пры падліку галасоў».
ЗША аднавілі эканамічныя санкцыі ў дачыненні да беларускіх прадпрыемстваў «Полацк Шкловалакно» і «Лідская лакафарба», пашырылі спіс асоб, якім забаронены ўезд на тэрыторыю краіны. Паводле слоў Кроўлі, уезд у ЗША будзе забронены для тых асоб і членаў іх сем’яў, хто мае дачыненне да разгону акцыі пратэсту 19 снежня ў Мінску і наступных рэпрэсій у Беларусі.
«ЗША таксама працуюць над фінансавымі санкцыямі ў дачыненні да шэрагу асоб і прадпрыемстваў у Беларусі. Крытэрыем пападання ў гэты спіс стане дачыненне да дзеянняў па падаўленні дэмакратычных інстытутаў ці парушэння правоў чалавека пры дапамозе палітычных рэпрэсій», — сказаў Кроўлі.
Ён падкрэсліў, што ЗША настойваюць на неадкладным вызваленні ўсіх затрыманых і зняцці з іх усіх абвінавачанняў, спыненні рэпрэсій у дачыненні да грамадзянскай супольнасці, незалежных СМІ і палітычнай апазіцыі, а таксама павазе права на выказванне палітычных поглядаў, свабоду СМІ і развіццё грамадзянскай супольнасці. Паводле слоў Кроўлі, ЗША будуць рэагаваць і будаваць сваю палітыку ў дачыненні да Беларусі ў адпаведнасці з дзеяннямі беларускага ўрада.
«Прынятыя меры не скіраваныя супраць беларускага народа. Злучаныя Штаты плануюць павялічыць сёлета як мінімум на 30% дапамогу беларускай грамадзянскай супольнасці, незалежным СМІ і дэмакратычным палітычным партыям», — сказаў Кроўлі.
Ён заявіў, што ЗША дзейнічаюць у цеснай каардынацыі з ЕС і іншымі партнёрамі ў дачыненні да сітуацыі ў Беларусі і адказу на падзеі. 31 студзеня 2011 года міністры замежных спраў краін ЕС заявілі пра візавыя санкцыі ў дачыненні да 158 беларускіх чыноўнікаў, уключаючы Аляксандра Лукашэнку і яго старэйшых сыноў Віктара і Дзмітрыя.
У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…
Тарифы на ЖКУ планируют индексировать каждый квартал с учётом роста доходов населения. При этом оплата…
В Гомельской области можно бесплатно сдать продукты на радионуклиды. В октябре проверка продуктов из частного…
У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…
В конце ноября через «Берестовицу» запустят новые автобусы в Польшу. Ежедневный рейс свяжет Гродно с…
Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…
This website uses cookies.
Read More