Павел Дайлід
“Ружанская брама” – фестываль, які некалькі год таму пачаў ладзіць Пружанскі райвыканкам. Аднак апошнія тры гады ў раённым бюджэце не хапала сродкаў на яго правядзенне. Сёлета пружанскія ўлады звярнуліся з ініцыятывай да Еўрасаюзу, які і аказаў фінансавую дапамогу для правядзення “Ружанскай брамы”.
Відавочна, што з кожным разам фэст збірае ўсё больш турыстаў з розных рэгіёнаў, таму “Ружанская брама” выйшла за межы проста раённага свята.
Звычайна на фэст запрашаюцца фальклёрныя калетывы з розных рэгіёнаў нашай вобласці, сёлета быў этна-гурт нават з Расіі. Найбольш чаканым жа быў канцэрт беларускага гурту “Без білета”.
Апроч музыкі, арганізатары прадставілі надзвычай шырокую праграму на любы густ – сярэднявечныя забавы ад рыцарскіх клубаў, шмат атракцыёнаў для дзяцей, гандаль сувенірамі, прадукцыяй рамеснікаў. Для дарослых тут у прамым сэнсе была і чарка, і шкварка – Пружанскае спажыўтаварыства частавала турыстаў шашлыкамі, моцнымі і безалкагольнымі напоямі.
Як распавялі на прэс-канферэнцыі прадстаўнікі Пружанскага райвыканкаму, фестываль “Ружанская брама” вырашана праводзіць раз на тры гады, наступны адбудзецца ў 2020 годзе.
Мэтай фэсту з’яўляецца папулярызацыя турыстычнага патэнцыялу палацу Сапегаў у Ружанах – аднаго з велічных помнікаў архітэктуры Брэсцкай вобласці. Эксперты даўно называюць гэты палац “ружанскім Версалем”.
Палац у Ружанах быў збудаваны ў ХVIII стагоддзі ўплывовым магнатам Вялікага княства Літоўскага – канцлерам Львом Сапегам. Палац быў адным з цэнтрам арытакратычнага жыцця княства, тут гасцявалі каралі ды зберагаліся вялікія багацці. Пасля таго, як беларускія землі былі акупаваныя Расійскай імперыяй у канцы ХVІІІ стагоддзя, Сапегі перайшлі ў апазіцыю да расійскіх уладаў. Пасля антырасійскага паўстання 1831 году ўладанні Сапегаў канфіскавалі на карысць царскай казны, а Ружанскі палац здалі пад ткацкую фабрыку.
У 1914 годзе ў палацы здарыўся пажар, які яго значна пашкодзіў. А ў часы польскай улады, у 1930-х, палац часткова рэстаўравалі. Пацярпеў палац Сапегаў і ў час другой сусветнай вайны, а ў канчатковы заняпад прыйшоў пасля яе, у савецкія часы. Мясцовыя жыхары паціху разбіралі цэглу палацу для ўласных патрэбаў, а 4 падземныя паверхі былі заваленыя смеццем.
Аднаўленне палацу пачалося ў 2008 годзе. Да 2011 году адрэстаўравалі браму, у будынках якой цяпер месціцца музей. У залежнасці ад фінансавання цяпер вядзецца аднаўленне Усходняга флігелю палацу, дзе пры Сапегах быў унікальны тэатр.
Штогод каля 20 тысяч турыстаў наведваюць музей у Ружанскім палацы.
Шаурма в Беларуси за год подорожала быстрее, чем выросла средняя зарплата. В сентябре 2026 года…
Камеру или видеоглазок можно установить без согласия соседей, если устройство направлено только на собственную дверь…
На складе Wildberries недалеко от Смолевичей обещают заработок до 480 рублей за смену и 7000…
МАРТ может включить белорусские макароны группы А в обязательный ассортимент магазинов. В 45% проверенных торговых…
Онлайн-логопед Анна Матусевич работает четыре дня в неделю и принимает не более шести учеников в…
Работников минской школы плавания оформляли как индивидуальных предпринимателей, хотя они продолжали выполнять прежние обязанности. По…
This website uses cookies.
Read More