КОНКУРС “ШТО Я ВЕДАЮ ПРА ЭЎРОПУ?”

Адкрыты прыём заявак на ўдзел у Нацыянальным конкурсе моладзевых камандаў “Што я ведаю пра Эўропу?”. Да ўдзелу ў конкурсе запрашаюцца: вучнёўская моладзь і маладыя жыхары Беларусі 16–19 гадоў, якія цікавяцца пытаннямі гісторыі і сучаснасці Эўропы, беларуска-еўрапейскімі сувязямі, гісторыяй сваёй краіны ў еўрапейскім кантэксце.

Паўфінал Гродна. Фота: eurashkola.eu
Паўфінал Гродна. Фота: eurashkola.eu

Для таго, каб паўдзельнічаць у конкурсе, неабходна сабраць каманду аднадумцаў з 5 чалавек у сваёй навучальнай установе, у горадзе, мястэчку ці вёсцы, моладзевай суполцы ці арганізацыі, і да 20 кастрычніка 2016 г. падаць заяўку на ўдзел у конкурсе праз эл. адрас [email protected].

У заяўцы просьба пазначыць: назву каманды; мясцовасьць; назву навучальнай установы і/ці моладзевай арганізацыі, якую прадстаўляе каманда (па жаданні); імёны і прозвішчы 5 гульцоў каманды, з пазначэньнем датаў іх нараджэньня (дата нараджэньня павінна быць не ранейшая за 1.01.1997) і пазначэннем, хто зяўляецца капітанам; кантактныя дадзеныя капітана для апэратыўнай сувязі з аргкамітэтам (нумар мабільнага тэлефону і адрас эл. пошты).

Напачатку лістапада ў розных гарадах Беларусі пройдуць паўфінальныя інтэлектуальныя гульні, якія вызначаць 3 каманды-фіналісткі. А ў пачатку снежня 2016 г. у старажытнай Вільні адбудзецца фінальная гульня, якая вызначыць пераможцу сёлетняга конкурсу.

Из рубрики