Два чалавекі загінулі на пажарах за два дні

За перыяд са студзеня па 8 верасня ў Ганцавіцкім раёне на пажарах загінулі 4 чалавекі, у Брэсцкай вобласці – 103 чалавекі. Гэта больш, чым за ўвесь мінулы год / Фото: Петр Гузаевский

А ў ноч з 7 на 8 верасня падчас пажару загінуў 55-гадовы Аляксандр П. з вёскі Яловая.

У пажарную службу паведамленне аб здарэнні ў Хатынічах паступіла каля гадзіны ночы. Пазваніў сусед, які пражывае на вуліцы Дворскай.

Па словах супрацоўніка РАНС, калі выратавальнікі з Ганцавіч і Раздзялавіч падаспелі на тушэнне пажару, агонь ужо вырваўся наружу і хата была ахоплена полымем.

Да прыезду пажарных  аднавяскоўцы Вячаслаў Піпчанка і Аляксандр Навумік, якія аказаліся паблізу, кінуліся ратаваць людзей. Выбіўшы дзверы, яны знайшлі гаспадара, які ляжаў каля ўваходу. На жаль, было ўжо позна – чалавек задыхнуўся ад дыму.

У доме выгаралі цалкам два пакоі і згарэў дах. Аднавіць яго наўрад ці ўдасца – агонь знішчыў пабудову так, што яна  ўжо непрыгодная для жылля. Пенсіянерку пакуль забралі да сябе родзічы.

У вёсцы Яловая пажар адбыўся пасля 2 гадзін ночы. У доме пражываў мужчына, і ён загінў. Пасля тушэння пажару ад хаты засталіся толькі сцены.

Супрацоўнікі РАНС адной з найбольш верагодных версій узнікнення пажараў у абодвух выпадках называюць курэнне. Аднак канчатковае заключэнне дадуць праваахоўныя органы. Праверкай па факту гібелі людзей займаецца пракуратура Ганцавіцкага раёна.