Памёр ганцавіцкі паэт Алесь Каско
Два тыдні не дажыў да свайго 66-годдзя наш зямляк, лаўрэат літаратурнай прэміі імя Аркадзя Куляшова і Мядовай літаратурнай прэміі, паэт, перакладчык, журналіст Алесь Каско.
Нарадзіўся Алесь Каско ў вёсцы Чудзін. Скончыў мясцовую школу і паступіў у Брэсцкі педагагічны інстытут імя Пушкіна на аддзяленне беларускай мовы і літаратуры. Але не давучыўся, у 1971 годзе яго прызвалі на службу ў армію.
Пасля дэмабілізацыі вярнуўся на радзіму, працаваў настаўнікам у роднай школе і паралельна працягваў вучобу на завочным аддзяленні інстытута. Потым перавёўся на стацыянар, скончыў філалагічны факультэт у 1976 годзе.
Пасля работы ў школе працаваў карэспандэнтам у Жабінкаўскай раённай газеце «Сельская праўда» (там працавала і яго жонка), потым на абласным тэлебачанні, а з 1991 года ўзначальваў Брэсцкае абласное аддзяленне Саюза пісьменнікаў. Некаторы час ён працаваў і ў газеце «Звязда».
Жыў Аляксандр Канстанцінавіч ў Жабінцы. Творчы шлях паэта багаты: у свет выйшлі такія паэтычныя зборнікі як «Вестка», «Скразная лінія», «Набліжэнне», «45», «Трохкроп’е», «Свой камень», «Нічога больш», «Прыадхінуты небасхіл». За зборнік паэзіі «Час прысутнасці», які выйшаў у 1994 годзе, паэт быў узнагароджаны Літаратурнай прэміяй імя Аркадзя Куляшова.
Некаторыя кажуць , што гэта палеская першабытная прырода паспрыяла таму, што Алесь Каско рана пачаў пісаць вершы. Яго бацькі – звычайныя сяляне, яны заўсёды падтрымлівалі паэтычнае натхненне свайго сына. Першы верш паэта – «Пралескі» – з’явіўся ў ганцавіцкай раёнцы ў 1968 годзе.
З гэтай старадаўняй палескай вёскай звязаны жыццёвы і творчы шлях беларускага этнографа і фалькларыста Аляксандра Сержпутоўскага, там жылі таксама казачнікі Дудар, Кулеш, Рэдкі. Але хутчэй за ўсё на станаўленне Алеся Каско як паэта вялікае ўздзеянне аказала знаёмства і сяброўства са студэнтамі-паэтамі Алесем Разанавым, Міколам Пракаповічам, Васілём Жуковічам.
10 снежня яму споўнілася б 66 гадоў. Развітанне з Алесем Каско адбудзецца ў панядзелак 27 лістапада ў Жабінцы.
Матэтыял “Алесю Каско – 60” можна прачытаць ТУТ.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит