«Ганцавіцкі час» вызначыў лепшых паштальёнаў

Галоўнай умовай для ўдзельнікаў было павелічэнне подпіснога тыражу на 2-е паўгоддзе 2018 года.

Пераможцаў размеркавалі па дзвюх намінацыях: «Лепшае паштовае аддзяленне» і «Лепшы паштальён».

Лепшым паштовым аддзяленнем стала АПС Малькавічы (начальнік Марыя Амельяновіч). За актыўную работу пераможцы ўзнагароджаны Дыпломам 1-й ступені і атрымалі ў падарунак мікрахвалевую печку.

Другое месца – у АПС в. Люсіна (начальнік Вольга Жалезная). Калектыў узнагароджаны Дыпломам ІІ ступені і мультываркай.

Лепшы паштальён конкурсу – Аксана Занька з в. Люсіна.

На другім месцы – Алена Лелес з Малькавіч. У падарунак ім уручылі хлебапечкі.

Трэцяе месца ў Алены Калдаевай – паштальёна з в. Малькавічы. У якасці падарунка ёй дастаўся блендар. Кожны з паштальёнаў атрымаў Падзячны ліст.