Стыхія на некалькі гадзін паралізавала работу ў Ганцавіцкім раёне (Абноўлена)

Як стала вядома “ГЧ”, пасля парываў ветру былі пашкоджны адразу дзве лініі электраперадач, магутнасцю 110 тысяч вольт, якія сілкуюць горад. І не толькі горад, амаль усе вёскі раёна, акрамя вёскі Малькавічы, былі абясточаны.

Па словах дырэктара філіяла «Баранавіцкія электрычныя сеткі» РУП «Брэстэнерга» Дзмітрыя Гаўрылені, прычынай часовага адключэння электраэнергіі сталі наступствы анамальнага выпадзення ападкаў і парываў ветру, якія павалілі дрэвы. Па паведамленню сіноптыкаў, за суткі выпала дэкадная норма ападкаў, балоцістыя глебы размяклі і ў выніку шквальнага ветру на асобных участках дрэвы ўпалі на лініі электраперадач і гэта прывяло да аўтаматычнага адключэння ліній сілкавання магутнасцю 110  тысяч вольт. 

Ганцавіцкія работнікі электрасетак справацалі досыць хутка.  У першую чаргу пераключылі на лінію электраперадач, якая ідзе ад Багданаўкі Лунінецкага раёна, а праз некаторы час была адноўлена праца ліній з боку Раздзялавічы-Ганцавічы. Электрычнасць у горадзе з’явілася на некаторых прадпрыемствах праз гадзіну, а на большай тэрыторыі горада святло з’явілася праз дзве з паловай гадзіны.

Па словах намесніка начальніка філіяла РУП “Брэстэнерга”Баранавіцкія электрычныя сеткі Ганцавіцкага РЭC Віталя Давыдчыка, брыгады спачачатку падключылі электрычнасць  на самых важных аб’ектах праз лініі, якія выкарыстоўваюцца пад час аварыйных выпадкаў..

“У першую чаргу падключылі хлебазавод, дзіцячыя садкі, банкі, магазіны. Спрабуем ахапіць найбольшую колькасць важных прадпрыемстваў і арганізацый“, — сказаў “ГЧ” Віталь Іванавіч, які таксама на той час ў складзе аварыйнай брыгады выезджаў на ліквідацыю наступстваў стыхіі.

 Дырэктар філіяла РУП «Брэстэнерга» «Баранавіцкія электрычныя сеткі» Дзмітрый Гаўрыленя станоўча адначыў работнікаў электрасетак Ганцавіцкага  раёна за тое, што насельніцтва і прадпрыемствы Ганцавіцкага раёна былі хутка забеспячаны электрычнасцю і змаглі хутка аднавіць працу у звычайным рэжыме. Дарэчы, ад ганцаўчан ім таксама вялікая ўдзячнасць, асабліва ад аматараў футбола, якія змаглі паглядзець захапляючыя прамыя трансляцыі еўрапейскіх матчаў.

“Трэба аддаць належнае работнікі электрасетак з Ганцавіч спрацавалі аператыўна,   — сказаў Дмітрый Антонавіч. – Але работы па месцах аварый яшчэ працягваюцца.Праца замаруджваецца тым, што мясоваць балоцістая, вады у некаторых месцах амаль па паясніцу, і падагнаць тэхніку вельмі праблематычна,але паступова няспраўнасці ліквідуюцца”.