Па тэлевізары паказалі акцыю «Усе фарбы жыцця для Сафіі!» ў Ганцавічах

Рэдкае генетычнае захворванне ў трохмесячнай Сафіі Жагунь з Ляхавічаў. Дыягназ – спінальная мышачная атрафія першага тыпу. Выратаваць яе жыццё можа толькі амерыканскі медпрэпарат за 2,5 мільёна долараў. Сабраць такую неймаверную суму адной сям’і – немагчыма. А вось калі ўзяцца ўсёй Беларуссю – цалкам рэальна.

Для збору сродкаў ва ўсіх кутках краіны праводзяцца акцыі і флэшмобы. Адным з іх стаў дабрачынны марафон у Ганцавічах.