Ганцавіцкі дальнабойшчык абверг чуткі пра захворванне каранавірусам

Мікалай Зубік: "З маім здароўем усё ў парадку".  / Фото: Аляксандр Пазняк

Не так даўно “ГЧ” друкаваў інтэрв’ю з дальнабойшчыкам Мікалаем Зубікам. Суботняй тэмай абмяркоўвання ў Ганцавічах стала чутка пра каранавірус, які нібыта выявілі ў Мікалая. Каб даведацца праўду, журналіст “ГЧ” патэлефанаваў дальнабойшчыку і запытаўся пра стан ягонага задроўя. І вось што пачуў у адказ:

“З маім здароўем усё ў парадку. Я ўжо два месяцы, як вярнуўся з Еўропы. Калі б у мяне штосьці было не так, то яно б даўно ўжо выявілася. Мяне правяралі на французкай мяжы,  на нямецкай, польскай, літоўскай і беларускай. У еўрапейскіх краінах замяралі тэмпературу і электронным чынам, і звычайным, запісвалі паказанні па самаадчуванню.

Сёння рамантаваў аўтамабіль і таксама адзін са знаёмых спытаў мяне пра каранавірус. Думаю, што той, хто запусціў такую плётку, проста  зайздросціць, альбо захацеў пачасаць языком і зрабіць маленькую прыкрасць”.