Анатоль Трафімчык у гасцях ў праграме “Дыя@блог пра літаратуру”

Сайт аўтараў праграмы “Дыя@блог пра літаратуру” Стэлы Чырковай і Таццяны Сівец анансуе наступнае:

“Таямніцы, інтрыгі, даследаванні… Беларускай літаратуры!

Ну, што тут, здавалася, можна адкрыць у Якуба Коласа? Усё ж чытана-перачытана, аналізавана ўздоўж і ўпоперак, сотні дысертацый абаронена, канферэнцый праведзена, а вось жа – малады даследчык Анатоль Трафімчык даводзіць, што Якуб наш Колас прадказаў смерць цара Мікалая ІІ ў паэме “Сымон-музыка”… А яшчэ, аказваецца, Канстанцін Міхайлавіч не аднаго чалавека выратаваў ад сталінскіх рэпрэсій, рызыкуючы, між іншым, вельмі многім…

А яшчэ Анатоль дакладна ведае, што Ленін “думаў пра Беларусь”… А яшчэ…

Карацей, лепш паслухаць самога Анатоля, а яшчэ лепш – нешта ў яго спытаць!

Мы чакаем яго ў студыі – заўтра!

P.S. А яшчэ ён сам звязаў гэты шалік! :-)))”