Губернатар Брэстчыны вырашае праблемы жыхароў

З 11-ці асоб, якія прыйшлі на прыём, людзі прыйшлі і з падзякамі, і каб вырашыць асабістыя і важныя грамадскія праблемы.

Найбольшай радасцю, за што загадзя выказвала падзяку Анатолію Васільевічу жыхарка в. Ганцавічы Галіна Мелехавец, было абяцанне, што будзе разгледжана пытанне і пры магчымасці часткова прафінансавана будаўніцтва водаправода ў вёсцы Ганцавічы.

У вёсцы прайшла газіфікацыя, і прыродны газ праведзены ў 296 дамоў, а вось цэнтралізаванага водаправода няма. Кіраўнік вобласці сказаў, што насельніцтва павінна аплаціць 40% расходаў, а 60% выдаткаў пастараюцца выдзеліць з бюджэту. А сума гэта ў пераліку на недэмінаваныя рублі нават па прыблізных падліках складзе каля 2,5–3 млрд рублёў.

Асабіста падзякаваць губернатару за ўжо аказаную дапамогу прыйшоў на прыём бацька шматдзетнай сям’і з Ганцавіч Уладзімір Керус. Ён звяртаўся на прыём да Анатолія Ліса раней і прасіў садзеяння ў прадастаўленні рэшты крэдытных сродкаў для завяршэння будаўніцтва жылля. Звяртаўся не дарэмна – шматдзетнай сям’і, якая выхоўвае чатырох дзяцей, Анатоль Васільевіч пасадзейнічаў, і грошы выдзелілі.

Прыходзілі людзі і са скаргамі. Індывідуальны прадпрымальнік Уладзімір Канановіч, які мае свой бензавоз і аказвае паслугі сельскагаспадарчым арганізацыям па дастаўцы паліва, прасіў губернатара паўздзейнічаць на калгасы, якія не разлічваюцца з ім, дапусціўшы запазычанасць па аказаных паслугах больш за 30 тысяч (а дакладна 328 млн недэмінаваных) рублёў.

Вось што спадабалася, дык гэта тое, што губернатар быў канкрэтны і адразу, як казаў Казьма Пруткоў, глядзеў у корань праблемы. Кіраўнік вобласці за хвіліну-другую разабраў сутнасць праблемы, даручыўшы скласці графік пагашэння даўгоў, а бізнесмену параіў не аказваць паслугі, калі партнёры не выконваюць абавязкі па дагавору. Прадпрымальнік, здаецца, пайшоў задаволены, а вось як калгасы будуць пагашаць даўгі – час пакажа.

Некалькі пытанняў кіраўнік вобласці разгледзеў сам-насам з грамадзянамі, бо тыя палічылі за лепшае раскрыць душу без прадстаўнікоў прэсы. А журналісты былі і з двух мясцовых газет, і рэспубліканскія, і з абласнога тэлебачання.
Не толькі жыхары Ганцаўшчыны запісаліся на прыём. Гэтай магчымасцю скарысталіся і нашы суседзі. Фермер з Лунінецкага раёна прасіў дапамогі па выдзяленні ўчастка пад будаўніцтва памяшкання для захавання агародніны.

Выслухаў ён і бізнесменаў з Баранавіцкага раёна, якія маюць прыдарожнае кафэ на трасе М1.
На працягу некалькі гадзін, назіраючы збоку за прыёмам грамадзян, можна было пераканацца, што Анатоль Васільевіч вырашаў пытанні з падыходам дзяржаўнага чалавека і ў той жа час пранікаўся спачуваннем да праблем людзей.

Адказваючы на пытанні, ён расстаўляў акцэнты і незаўважна даваў зразумець грамадзянам, што трэба строга кіравацца рамкамі закона і думаць пра карысць грамадству і эканоміцы дзяржавы. А важнай парадай губернатара была парада шукаць кампраміс.

Канешне, не ўсе пайшлі з прыёму задаволеныя, бо некаторыя пытанні былі не ў кампетэнцыі кіраўніка вобласці. Іх вырашэннем павінны займацца праваахоўныя і судовыя органы.