Калядны цуд вачамі дзяцей – у Ганцавічах праходзіць конкурс малюнкаў

Фото: Cвятлана Малышка

Уваход на выставу вольны. Там прадстаўлены 29 дзіцячых малюнкаў, якія тычацца Калядаў.

Як патлумачылі ў раёным Доме рамёстваў, для ўдзелу у конкурсе прыняслі больш за 70 малюнкаў, аднак некаторыя з іх не прайшлі па ўмовах. “Не прайшлі малюнкі з інтэрнета, ці проста з зімовай тэмай, ці яўна выкананыя дарослым чалавекам”, – сказаў адзін з супрацоўнікаў Дома рамёстваў.

Вынікі конкурса малюнкаў будуць падведзены 13 студзеня. Журы вызначыць лаўрэатаў дыпломаў 1, 2 і 3 ступені.

Дарэчы, кожны жыхар раёна таксама можа падтрымаць аўтараў найлепшых, на яго погляд, работ. Для гэтага трэба паставіць “мне падабаецца” пад малюнкамі, якія размешчаны на старонцы vk.com/album-42717227_239234762.

Малюнак, які збярэ найбольшую колькасць упадабанняў, атрымае прыз глядацкіх сімпатый.