У Міжнародны дзень роднай мовы ўспомнілі Купалу

Як вынікае з назвы мерапрыемства, што прайшло ў гарадскім Доме культуры, цэнтральнай асобай сапраўднага тэатральнага дзейства, якое захапіла сцэну ГДК на паўтары гадзіны, стаў знакаміты беларускі паэт, пісьменнік і драматург Янка Купала.

Музычныя і меладэкламатычныя нумары ў выкананні мясцовых артыстаў, вучняў гарадскіх школ і супрацоўнікаў бібліятэкі чаргаваліся з біяграфічнымі  відэа-ролікамі, у якіх расказвалася пра жыццёвыя і творчыя этапы народнага пісьменніка Беларусі.

Аднак сапраўдным апагеем тэматычнай праграмы стала пастаноўка ўрыўка з п’есы «Паўлінка» – камедыі, напісанай Купалам у 1912 годзе. Акцёры-аматары, якія прымералі на сябе  ролі «неўміручых» Якіма і Паўлінкі, справіліся са сваёй задачай, а камічны вобраз пана Адольфа Быкоўскага, які і да гэтага часу не страціў сваёй актуальнасці, выклікаў бурную рэакцыю публікі, большая частка якой складалася з гарадскіх школьнікаў.