П’яныя «рэкорды» Ганцавіч
«Ураджайнымі» на п’яных вадзіцеляў аказаліся ў інспектараў ДАІ мінулыя выхадныя, калі ў Ганцавічах праходзіла святкаванне Дня беларускага пісьменства.
За два дні, 3–4 верасня і раніцу 5 верасня, на тэрыторыі раёна было затрымана 22 чалавекі, якія кіравалі транспартнымі сродкамі ў нецвярозым стане.
За кароткі прамежак часу такой рэкорднай колькасці вадзіцеляў, якія былі за рулём “пад мухай”, за апошнія 10 гадоў ніхто ў ДАІ прыпомніць не змог. Паказальна, што з 22 вадзіцеляў 20 чалавек – гэта жыхары Ганцавіцкага раёна. Сярод іх два вадзіцелі затрыманы паўторна на працягу года, яны будуць прыцягнуты да крымінальнай адказнасці.
Геаграфія затрыманняў шырокая – п’яныя кіроўцы ездзілі ў Агарэвічах, Будчы, В. Круговічах, Дзяніскавічах, па дарозе паміж Хатынічамі і Раздзялавічамі, у вёсцы Ганцавічы і самім горадзе.
Даешся дзіву, чым думалі людзі, калі садзіліся за руль, выпіўшы спіртнога, ведаючы, што літаральна праз сотню-другую метраў у Ганцавічах стаяць міліцэйскія патрулі? Толькі даішнікаў з іншых аддзелаў міліцыі было каля 60 чалавек.
Не лішнім будзе нагадаць, што з 12 жніўня 2011 года ў сілу ўступіла Пастанова Савета Міністраў №497, згодна з якой доля алкаголя зменшылася да 0,3 праміле (раней было 0,5 праміле).
Таму вадзіцелям трэба сур’ёзна паразважаць, ці варта нават увечары ўжываць спіртное, рызыкуючы застацца без правоў і заплаціць немалы штраф – лепш выпіць газіроўкі. Выбар ёсць заўсёды.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит