Сітуацыя разгортвалася так, што адзін з хлопцаў на аўтамабілі “Пежо” сутыкнуўся з прыпаркаванай машынай “Опель” у прадмесці Варшавы Бялаленка.

Гаспадар “Опеля” выклікаў паліцыю. Тым часам вадзіцель “Пежо” і пасажыр памяняліся месцамі. Гэтак яны хацелі абмануць сведкаў. Аднак яны не здагадваліся, што гэта зафіксавала камера відэаназірання.

Вось толькі навошта былі такія маніпуляцыі? Паліцыя праверыла іх на цвярозасць. Алкатэстэр паказаў, што абое ўжывалі алкаголь. Дадатковая праверка выявіла ў аднаго хлопца 1,5, а ў другога – 1,7 праміле.

Абодным беларусам па 24 гады.  У аднаго з іх забралі вадзіцельскае пасведчанне. У другога правоў увогуле не было. “Пежо” паставілі на штрафную стаянку.

Затрыманым накінулі наручнікі і адправілі пад арышт.

Па польскіх законах ім пагражае вялікі штраф і крымінальная адказнасць да двух гадоў пазбаўлення волі за кіраванне аўтамабілем у нецвярозым стане. А пасажыру яшчэ і штраф за кіраванне без вадзіцельскага пасведчання.

Адказнасць па польскім законам за кіраванне ў нецвярозым стане:

Вадзіцель, які мае ў крыві больш за 0,5%, лічыцца злачынцам (арт.178a Kрымінальны кодэкс Рэспублікі Польшча), і кіраванне ў нецвярозым выглядзе можа скончыцца турмой. Пакаранне ў дадзеным выпадку будзе наступным:

• 10 штрафных балаў;
• штраф, які залежыць ад даходу: ад 10 да 540 дзённых ставак;
• штраф ад 5000 злотых у Фонд дапамогі ахвярам і пастпенітэнцыярнай дапамозе;
• пакаранне да 2 гадоў пазбаўлення волі;
• забарона на кіраванне не менш за 3 гады.

Читайте также:
Будут судить ольшанца, который сбил человека на неисправном «ВАЗ»