Жанчына з Брэста не хацела працаваць і самастойна “працягнула” бальнічны

Свае думкі на гэты конт спецыяліст выклаў супрацоўнікам Ленінскага РАУС горада Брэста, а тыя прзначылі праверку, забралі дакументы і накіравалі іх экспертам Брэсцкага міжраённага аддзела Дзяржаўнага камітэта судовых экспертыз (ДКСЭ).

Як высветлілася, тры лісткі непрацаздольнасці прадставіла на працу 41-гадовая жанчына. Падчас правядзення судовай тэхнічнай экспертызы дакументаў стала вядома, што сумненні “кадравіка” былі слушнымі.

Паводле словаў афіцыйнага прадстаўніка упраўлення ДКСЭ па Брэсцкай вобласці Ганны Мацкевіч, судовы эксперт прыйшоў да высновы, што ў некаторых графах прадстаўленых лісткоў непрацаздольнасці ўносіліся змены. Зроблена гэта было спосабам падчысткі першапачатковых запісаў, а таксама дапіскі (дамалёўкі) на іх месцы іншага тэксту, які б можна было прачытаць.

Судовыя эксперты змаглі аднавіць першапачатковы змест лісткоў непрацаздольнасці. Высветлілася, што жыхарка Брэста “працягнула” кожны бальнічны ліст яшчэ на тыдзень. Зрабіла яна гэта свядома і  зараз з’яўляецца фігуранткай крымінальнай справы.

Судовыя эксперты ўпраўлення Дзяржаўнага камітэта судовых экспертыз па Брэсцкай вобласці нагадваюць, што маюць магчымасці усталяваць, як сам факт зробленых тэхнічных змен у запісы (дамалёўка рысак, падчыстка, змыванне, заліццё і да т.п.), так і аднаўленне першапачатковага зместа запісу. Між тым, за падробку, выраб, выкарыстанне і збыт падробленых дакументаў заканадаўствам прадугледжана крымінальная адказнасць.

В Беларуси оплачивать больничные будут по-другому. Что изменится?