Католікі маліліся за мір і спакой на Ганцаўшчыне
У мінулы чацвер, 19 чэрвеня, каталіцкія вернікі прайшлі з малітвамі ва ўрачыстай працэсіі па вуліцах горада. У малітвах і песнях яны праслаўлялі Бога і прасілі, каб Ганцаўшчыну абмінулі голад, пажары, неспадзяваная смерць і прыродныя стыхіі, каб панавалі сярод людзей згода, спакой і любоў. Такое ўрачыстае шэсце штогод адбываецца ў Ганцавічах з нагоды ўшанавання Найсвяцейшага Цела і Крыві Божай.
За некалькі гадзін да пачатку ўрачыстай працэсіі прыхаджане ладзілі і аздаблялі алтары. Адзін з чатырох алтароў католікі прыбралі каля ўвахода ў касцёл / Фото: За некалькі гадзін да пачатку ўрачыстай працэсіі прыхаджане ладзілі і аздаблялі алтары. Адзін з чатырох алтароў католікі прыбралі каля ўвахода ў касцёл
Урачыстасць распачалася ў касцёле Адведзінаў Найсвяцейшай Дзевы Марыі імшою, падчас якой вернікі памаліліся таксама за здароўе і благаславенне для старэйшай парафіянкі касцёла Алены Эдмундаўны Бондар, якой у гэты дзень споўнілася 90 год. Менавіта Алена Бондар разам з іншымі старэйшымі вернікамі ўзняла справу аб пабудове касцёла ў Ганцавічах, прымала самы актыўны ўдзел у яго ўзвядзенні і доўгі час заставалася нязменным старшынёй касцельнага камітэта. Пасля прыняцця Святога Прычасця ўсе вернікі выйшлі з працэсіяй на вуліцы горада.
Чатыры святочна прыбраныя, аздобленыя жывымі кветкамі алтары, якія католікі арганізавалі на вуліцах Кастрычніцкай, Гагарына, Ламаносава і на тэрыторыі касцёла, сімвалізавалі сабою прысутнасць Бога на ўсіх чатырох накірунках свету (Усходзе, Захадзе, Поўдні і Поўначы).
Акрамя людзей шаноўнага і сталага ўзросту, шмат моладзі і дзяцей прынялі ўдзел у святочным шэсці. Гараджане выходзілі на вуліцу, з ушанаваннем успрымалі святочнае дзейства, а некаторыя з іх далучаліся да агульнай працэсіі.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит