КОНКУРС “АДУКАЦЫЯ ДЛЯ СВАБОДЫ. НОЎТБУК АКТЫЎНАМУ НАСТАЎНІКУ”

Мэты конкурсу: стварэнне беларускамоўных матэрыялаў, якія будуць спрыяць павышэнню ўзроўня медыйнай пісьменнасці настаўнікаў, вучняў і бацькоў, развіццю іх крытычнага мыслення, фарміраванню грамадзянскіх і сацыяльных кампетэнцыяў, культурнай ідэнтыфікацыі і самарэалізацыі; папулярызацыя матэрыялаў і стварэнне ўмоў доступу да іх шырокаму колу настаўнікаў, вучняў і бацькоў.
 
Намінацыі конкурсу:
— Медыяадукацыя на ўроку;
— Медыяадукацыя па-за ўрокам;
— Медыяпісьменная сям’я.
 
Да ўдзелу запрашаюцца настаўнікі. На конкурс можна падаваць матэрыялы ў выглядзе: распрацовак школьных урокаў ці факультатыўных заняткаў, класных і інфармацыйных гадзін, адукацыйных праектаў, даследаванняў і майстар-класаў, сцэнарыяў семінараў, пазакласных заняткаў, доўгатэрміновых культурніцкіх акцый, электронных адукацыйна-выхаваўчых рэсурсаў педагога, школы, школьнага клубу, гуртка, бацькоўскага камітэту і інш., навучальных фільмаў, дапаможнікаў, праграмных прадуктаў і г.д.
 
Каб прыняць удзел, неабходна даслаць запоўненую заяўку і свае матэрыялы праз эл. адрас: [email protected].
 
Патрабаванні да матэрыялаў:
— Адна асоба падае на конкурс не больш за адну працу;
— Старонкі павінны быць пранумараваны, медыйныя файлы, выкарыстаныя медыя-рэсурсы і дадаткі павінны  быць аформлены асобным спісам, мець спасылкі і тэкставае тлумачэнне;
— Тэксты падаюцца ў электронным выглядзе;
— Мова матэрыялаў і заяўкі – беларуская;
— Дадаюцца звесткі пра папярэдняе выпрабаванне на практыцы прапанаваных матэрыялаў (калі такі досвед быў);
— Да матэрыялаў неабходна дадаць ліст з апісаннем таго, як распрацоўка будзе спрыяць фарміраванню медыйных і грамадзянскіх кампетэнцыяў асобы:
— уменню выкарыстоўваць медыі ў адукацыйным працэсе;
— крытычна ацэньваць інфармацыю, правяраць яе праўдзівасць;
— адказна і этычна карыстацца інфармацыйнымі тэхналогіямі, сацыяльнымі медыя для адукацыі, самаарганізацыі, рашэння праблем, выхавання павагі да каштоўнасцей дэмакратыі і правоў чалавека, умацавання цывілізацыйна-культурнай і нацыянальнай ідэнтычнасці;
— уменню супрацьстаяць прапагандзе, маніпуляцыям СМІ, рэкламы;
— уменню самастойна ствараць медыяпрадукты, актыўна, адказна і этычна дзейнічаць у медыяпрасторы і г.д.
 
Апошні тэрмін падачы заявак: 2 лістапада 2015 г.
 
Больш інфармацыі – па спасылцы.