
У будынку чыгуначнага вакзалу ў Валгаградзе прагрымеў выбух. Колькасць ахвяр пастаянна расце — на гэты момант паведамляецца аб 18 загінуўшых і дзесятках параненых, паведамляе Бі-Бі-Сі.
Выбух на вакзале ў Валгаградзе як мяркуецца зрабіла тэрарыстка-смяротніца, паведамляе Нацыянальны антытэрарыстычны камітэт РФ.
Як паведаміла прадстаўнік ГУ МУС па Валгаградскай вобласці Святлана Смальянінава, выбух «нявысветленага выбуховага прыстасавання» адбыўся на другім паверсе чыгуначнага вакзала на станцыі «Валгаград-1» каля 00:45 па маскоўскім часе.
Аднак, па дадзеных ІТАР-ТАСС, выбух адбыўся каля рамак металашукальнікаў пры ўваходзе на вакзал.
З будынка вакзала эвакуявалі людзей, на месцы здарэння працуюць выбухатэхнікі, АМАП і кінолагі з сабакамі. Да месца выбуху накіраваны сілы падраздзяленняў ФСБ, МУС і МНС.
Па словах відавочцаў, да будынка вакзала пад’язджаюць машыны «хуткай дапамогі», пацярпелых выносяць з будынка вакзала на насілках.
Працягваецца эвакуацыя людзей.
Мясцовае агенцтва «Вышыня 102» перадае словы супрацоўніка праваахоўных органаў: «Хтосьці хацеў прайсці ўнутр будынка вакзала, але не быў прапушчаны… пасля гэтага адбыўся выбух, у выніку якога як мінімум аднаго чалавека разарвала».
Агенцтва паведамляе, што загінулі чацвёра супрацоўнікаў службы бяспекі вакзала, якія ажыццяўлялі дагляд на ўваходзе ў будынак.
Са спасылкай на кіроўцаў прывакзальных маршрутак паведамляецца, што выбуховай хваляй людзей выкідвала з вокнаў вакзала.
Цэнтральны ўваход у будынак разварочаны выбухам, практычна па ўсім фасадзе выбітае шкло, піша Newsru.com.
Той жа сцэнар?
У Валгаградзе зусім нядаўна — у кастрычніку — адбыўся выбух у аўтобусе, які зладзіла смяротніца — ураджэнка Дагестана 30-гадовая Наіда Ахіялава. Загінулі сем чалавек — шэсць пасажыраў аўтобуса і сама Ахіялава.
Усяго ў выніку таго выбуху раненні атрымалі 28 чалавек, з іх 12 непаўналетніх, у тым ліку гадавалае дзіця.
Расійскія ўлады асцерагаюцца, што напярэдадні Алімпіяды ў Сочы экстрэмісцкія групоўкі паспрабуюць правесці шэраг тэрактаў. Для забеспячэння бяспекі Алімпіяды расійскі прэзідэнт Уладзімір Пуцін падпісаў 19 жніўня Указ аб мерах бяспекі, якія будуць дзейнічаць у Сочы падчас Гульняў.
У ліпені ў інтэрнэце з’явілася відэа, на якім лідар чачэнскіх сепаратыстаў Доку Умараў заклікае чачэнскіх баевікоў не дапусціць правядзення Алімпіяды ў Сочы.
Умараў заявіў, што адмяняе мараторый на ўдары па расійскіх цэлях за межамі Паўночнага Каўказа, пра які ён аб’яўляў ў пачатку 2012 года. Валгаград знаходзіцца ў 690 км на паўночны ўсход ад Сочы.
У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…
Тарифы на ЖКУ планируют индексировать каждый квартал с учётом роста доходов населения. При этом оплата…
В Гомельской области можно бесплатно сдать продукты на радионуклиды. В октябре проверка продуктов из частного…
У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…
В конце ноября через «Берестовицу» запустят новые автобусы в Польшу. Ежедневный рейс свяжет Гродно с…
Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…
This website uses cookies.
Read More