Расія забараніла пастаўкі прадукцыі з трох беларускіх малочных прадпрыемстваў

Фото: Петр Гузаевский

Як паведамляе сайт Рассельгаснагляда, у сувязі з выяўленнем шматлікіх парушэнняў патрабаванняў Еўразійскага эканамічнага саюза і Расійскай Федэрацыі да прадукцыі санкцыі ўводзяцца ў дачыненні да ваўкавыскага ААТ “Беллакт”, ААТ “Рагачоўскі малочна-кансервавы камбінат” і ПУП “Калінкавіцкі малочны камбінат”.

Ліст з дэталізацыяй выяўленых неадпаведнасцяў Рассельгаснагляд накіраваў на адрас дэпартамента ветэрынарнага і харчовага нагляду Беларусі, адзначылі ў ведамстве.

Пытанне аб адмене часовых абмежаванняў будзе разгледжанае пасля правядзення беларускім бокам расследавання па кожным факце парушэнняў і падавання адпаведных матэрыялаў расійскім калегам, заявілі ў Рассельгаснаглядзе.

Беларуски бок адрэагаваў на праблемную сітуацыю.

“Прэтэнзіі, якія ёсць у Рассельгаснагляду, датычацца якасці афармлення дэкларацый адпаведнасці на сухое малако, — растлумачыў намеснік міністра, дырэктар дэпартамента ветэрынарнага і харчовага нагляду Аляксандр Субоцін. — Мы разбіраемся ў сітуацыі. Будзем працаваць над тым, каб зняць усе наяўныя пытанні для аднаўлення паставак нашай прадукцыі на расійскі рынак”.