Колькі зарабляюць у Мінску?

У Мінску па-ранейшаму самую высокую зарплату атрымліваюць IT-спецыялісты. У жніўні 2016 года сярэдняя зарплата спецыялістаў, дзейнасць якіх звязаная з інфармацыйнымі тэхналогіямі, склала 3.550,6 рубля.

У ліку найбольш высокааплатных: работнікі паветранага транспарту — 2.169,2 рубля; работнікі нафтавай прамысловасці — 1.666,7 рубля; фінансісты і страхоўшчыкі — 1.535,6 рубля; работнікі тэлекамунікацыйнай сферы — 1.474,4 рубля; навукоўцы — 1.153,7 рубля; архітэктары, бухгалтары і юрысты — 1.298,7 рубля; аптавікі — 1.241,8 рубля.

Самы нізкі заробак у сталіцы — у работнікаў бібліятэк, архіваў, музеяў (499 рублёў), сацыяльных работнікаў (516,5 рубля), а таксама творчых работнікаў (608 рублёў) і работнікаў лёгкай прамысловасці (678,5 рубля).

У жніўні ў сталічнай прамысловасці сярэдняя зарплата склала 903,6 рубля, у будаўніцтве — 1.031,6, на транспарце — 1.022,8, у сельскай, лясной і рыбнай гаспадарцы — 830, у рознічным гандлі — 838,8, у адукацыі — 601 рубель. Сярэдняя зарплата работнікаў аховы здароўя ў жніўні была роўная 736,9 рубля.