Чыноўнікі працуюць у новых умовах
Першую дэкаду ліпеня ганцавіцкія чыноўнікі працавалі ўжо ў новых умовах: з перазмеркаваннем абавязкаў тых людзей, чые стаўкі скарочаны.
Ганцавіцкі райвыканкам / Фото: Виталий Герасименя
Усяго ў Ганцавіцкім райвыканкаме раней існавала 121,5 стаўкі, з якіх да 1 ліпеня было скарочана 15,5 (або 10,5 адзінкі). Па словах начальніка аддзела арганізацыйна-кадравай работы Ганцавіцкага райвыканкама Наталлі Маляўкі, гэты працэс “прайшоў бязбольна”.
У выніку скарачэнняў тры чалавекі пайшлі на заслужаны адпачынак у сувязі з дасягненнем пенсіённага ўзросту і па выслузе гадоў (2,5 стаўкі). У пяці сельвыканкамах скарочана па 0,5 стаўкі вядучых спецыялістаў 1 катэгорыі – тых, хто збірае падаткі і вядзе воінскі ўлік. Пераведзены на іншыя пасады 4 чалавекі з пяці, пасады якіх былі скарочаны, а гэта яшчэ 6,5 стаўкі. “Непрацаўладкаваным застаецца пакуль толькі адзін чалавек, аднак гэтае пытанне вырашаецца”, – заўважыла Наталля Маляўка.
Таксама скарочаны 5 рабочых месцаў, якія ў апошні час заставаліся вакантнымі або іх пасады ліквідаваліся ў сувязі са злучэннем некалькіх аддзелаў у адзін.
Дарэчы, цяпер у Ганцавіцкім райвыканкаме замест пяці аддзелаў (адукацыі, спорту і турызму, ідэалагічнага, культуры, па справах моладзі) запрацавалі два абноўленыя: аддзел адукацыі, спорту і турызму, які ўзначальвае Надзея Здрок, і аддзел ідэалагічнай работы, культуры і па справах моладзі, на чале якога Ірына Стральцова.
На пытанне: “Якія перамены адбыліся ў аддзеле пасля злучэння некалькіх у адзін?” Надзея Уладзіміраўна адказала: “Цяпер у нас ёсць сектар спорту і турызму, якім кіруе Яўген Кабрынец. А ў астатнім працуем як звычайна”.
Асаблівых перамен не адбылося і ў былым аддзеле культуры. “Хіба толькі функцый у мяне стала больш, – заўважыла Ірына Іванаўна. – А так як быў аддзел не поўнасцю запоўнены кадрамі, такім пакуль і застаецца”.
Нагадаем, што Аляксандр Лукашэнка ўпершыню заявіў аб скарачэнні работнікаў дзяржаўных органаў і арганізацый у Беларусі 19 красавіка, звяртаючыся з пасланнем да беларускага народа. Тэрмін для рэфармавання быў дадзены да 1 ліпеня.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит