“Цуд на Каляды” – сваімі рукамі

Конкурс праводзіцца ў наступных намінацыях: “Калядны малюнак” (малюнак, які адлюстроўвае традыцыі святкавання Каляд на Беларусі), “Калядная зорка”  (сімвал калядоўшчыкаў, выкананы з розных матэрыялаў) і  “Калядная маска” (павінна адлюстроўваць вобраз традыцыйных калядных персанажаў). Прымаюцца індывідуальныя і калектыўныя работы, выкананыя ў розных тэхніках: мастацкая саломка (аплікацыя саломкай, саломапляценне), мастацкі роспіс (роспіс па тканіне, шкле, дрэве), мастацкі тэкстыль (ткацтва, вышыўка, габелен, лямец), кераміка, разьба па дрэве, выцінанка і інш.

Падвяденне вынікаў і ўзнагароджванне пераможцаў адбудецца 13 студзеня 2018 года падчас каляднай сустрэчы “Шчодры вечар”, якая будзе праходзіць а 13.00 гадзіне ў Доме рамёстваў. Кожны майстар мае магчымасць атрымаць падарунак ці грашовую ўзнагароду.

Паглядзець на рукатворныя вырабы ганцавіцкіх умельцаў можна будзе, наведаўшы выставу творчых работ, якая будзе працаваць з 8 снежня па 21 студзеня ў Доме раёстваў.

Падрабязней пра конкурс “Цуд на каляды” можна даведацца на сайце http://gnckult.by ці па тэлефоне 2-21-48.