
Пётр Гузаевский
Два матчы, якіяпрайшлі на цэнтральным стадыёне ў Ганцавічах у мінулую нядзелю, парадавалі многіх гледачоў і вызначыліся своеасаблівымі «ізюмінкамі». У матчы СВК “Хатынічы” і «Дынама-2013» такой «ізюмінкай» стаў выхад на поле ў другім тайме 61-гадовага футбаліста Антона Плоткі, які выступіў у складзе каманды “Дынама-2013”. Ён не толькі не ўступаў сваім маладым таварышам па каман-дзе, але па хуткасці і тэхніцы выглядаў у многіх момантах нават лепш за іншых. Адзначылі аматары футбола і намесніка старшыні райвыканкама Сяргея Сарокава. Ён ужо ў другім матчы запар выходзіць на замену ў 2-ім тайме за каманду “Дынама-2013” і ўпэўнена гуляе ў абароне. Трэба яму аддаць належнае, бо ў 40-гадовым узросце выйсці на поле і адбегаць нават адзін тайм зможа далёка не кожны. І тое, што кіраўнік сваім прыкладам папулярызуе футбол у горадзе Ганцавічы, заслугоўвае пахвалы і павагі.
Каманда “Дынама-2013”, у склад якой увайшлі футбалісты райвыканкама, міліцыі, райваенкамата, у гэтым матчы прайграла камандзе СВК “Хатынічы” з лікам 1:6. Але гульнёй футбалісты балельшчыкаў парадавалі. Сем галоў і яшчэ разы ў тры больш галявых момантаў, прыгожую гульню варатароў, якія шматразова ратавалі свае каманды, здавалася б, ад немінучых галоў, змаглі назіраць гледачы.
Большасць балельшчыкаў на стадыёне падтрымлівала хатыніцкіх футбалістаў, раз-пораз на трыбунах чуліся розныя жарты ў адрас футбалістаў “Дынама-2013”, асабліва міліцыянераў, якіх на полі было ўсяго некалькі чалавек. І хоць на полі падчас сустрэчы былі і спрэчкі, і жоўтыя карткі, пасля фінальнага свістка сапернікі ціснулі адзін аднаму рукі і дзякавалі за гульню. Аматары футбола дзякавалі ігракам апладысментамі.
У той жа дзень адбыліся яшчэ 2 матчы: “ДЮСШ Агарэвічы” сустрэлася з адным з фаварытаў турніра – камандай “Будаўнік ПМК-14». Матч прайшоў у Ганцавічах і закончыўся перамогай ПМК-14 з лікам 9:0. А ў Чудзіне адбылася гульня паміж камандамі СВК “Будча” і Люсіна. Футбалісты СВК “Будча” перамаглі з лікам 4:1.
Турнірная табліца
| г | в | н | п | м | а | |
| “РАЙПО” | 3 | 3 | 0 | 0 | 29-2 | 9 |
| “Будаўнік-ПМК-14” | 3 | 3 | 0 | 0 | 22-1 | 9 |
| СВК “Хатынічы” | 3 | 2 | 0 | 1 | 13-8 | 7 |
| СВК “Будча” | 3 | 2 | 0 | 1 | 7-7 | 7 |
| ФК “Малькавічы” | 2 | 2 | 0 | 0 | 8-3 | 6 |
| ФК “Азярэчча” | 3 | 1 | 0 | 2 | 6-12 | 5 |
| ДЮСШ “Агарэвічы” | 4 | 1 | 0 | 3 | 2-17 | 5 |
| “Дынама-2013” | 3 | 0 | 1 | 2 | 2-15 | 4 |
| ФК “Люсіна” | 4 | 0 | 0 | 4 | 5-29 | 4 |
Заўвага: 3 ачкі налічваюцца за перамогу, 2 – за нічыю, 1 – паражэнне, 0 – за няяўку на гульню.
Бамбардзіры:
1. Дайлід Аляксандр (Будаўнік ПМК-14) – 7 галоў; 2. Коўш Дзяніс ( РАЙПО) – 6 галоў; 3. Пічыц Мікіта (СВК «Хатынічы») – 5 галоў; 4-5. Катовіч Ігар (СВК «Хатынічы») – 4 галы, Вадап’ян Іван (Будаўнік ПМК-14) – 4 галы; 6-12. Рабцэвіч Яўгеній (Будаўнік ПМК-14) – 3 галы, Ганіч Андрэй (Будаўнік ПМК-14} – 3 галы, Пабудзей Вадзім (Будаўнік ПМК-14) – 3 галы, Жалезны Андрэй (РАЙПО) – З галы, Ліхоцін Віталій (Азярэчча) – 3 галы, Сукач Уладзімір ( РАЙПО) – 3 галы, Крыцкалюк Дзмітрый (РАЙПО) – 3 галы.
У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…
Тарифы на ЖКУ планируют индексировать каждый квартал с учётом роста доходов населения. При этом оплата…
В Гомельской области можно бесплатно сдать продукты на радионуклиды. В октябре проверка продуктов из частного…
У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…
В конце ноября через «Берестовицу» запустят новые автобусы в Польшу. Ежедневный рейс свяжет Гродно с…
Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…
This website uses cookies.
Read More