Гонар Ганцавічаў ад інвалідаў абаранялі шашысты

Спаборніцтвы праходзілі па самых розных відах спорту, але ад Ганцавіч паехалі толькі майстры шашачнага спорту. У турніры па шашках прыняло ўдзел 24 спартсмены з рэгіёнаў Брэстчыны. Гулялі па алімпійскай сістэме. Прайграўшыя па гэтай сістэме выбывалі, а калі партыя заканчвалася ўнічыю, ігракам даюцца дадаковыя хвіліны. Многа што вырашала жараб’ёўка. Для ігракоў белымі шашакна партыю давалася 5 хвілін, а для ігракоў чорных шашак – 4 хвіліны. Белымі шашкамі трэба абавязкова выігрываць, а калі партыя сканчвалася ўнічыю, перамога залічвалася, таму, хто іграў чорнымі.

У фінале сустрэліся мацнейшыя. Гэта кандыдаты ў майстры Мікалай Рылка (г. Ганцавічы) і Сяргей Антановіч (г. Кобрын). Перамогу атрымаў ганцаўчанін. За 1-е месца пераможца атрымаў грамату і прэмію 100 тысяч беларускіх рублёў. За 2-е і 3-е месцы ўдзельнікі атрымалі толькі граматы.

Яшчэ два нашыя шашысты Мікалай Агейка (г. Ганцавічы) і Адам Волах (в. Агарэвічы) таксама выступілі дастойна. Яны дайшлі да паўфінала. Не хапіла літаральна аднаго кроку, каб змагацца за прызавыя месцы.