У Беларусі падаражэла дзіцячае харчаванне ў дашкольных і школьных установах

Згодна з дакументам, расходы на харчаванне ва ўстановах з працягласцю знаходжання 10,5 гадзіны для дзяцей ва ўзросце аднаго–двух гадоў павялічваюцца з 14.010 да 15.410 рублёў на дзень, ва ўзросце трох–шасці гадоў – з 17.770 да 19.550.

Для дашкольных устаноў з працягласцю знаходжання 12 гадзін нормы расходаў таксама павышаныя: для малодшых груп – з 18.260 да 20.090, для старэйшых – з 22.030 да 24.230 рублёў.

Таксама павялічваецца кошт харчавання для дзяцей, якія вучацца ў санаторных яслях-садах, дзіцячых садах і групах, установе адукацыі «Рэспубліканскі цэнтр для дзяцей дашкольнага ўзросту з парушэннем слыху» з працягласцю знаходжання ад 12 да 24 гадзін. Для дзяцей ва ўзросце аднаго–двух гадоў кошт харчавання павялічыўся з 20.940 да 23.030 рублёў, трох–шасці гадоў – з 26.350 да 28.990 рублёў.

Грашовыя расходы на харчаванне ў такіх установах на тэрыторыі радыеактыўнага забруджвання з працягласцю знаходжання 10,5 гадзіны падняліся для дзяцей аднаго–двух гадоў з 16.550 да 18.210, для дзяцей трох–шасці гадоў – з 21.510 да 23.660 рублёў. У малодшых групах са знаходжаннем 12 гадзін нормы падняліся з 19.600 да 21.560, у групах ад трох да шасці гадоў – з 25.130 да 27.640 рублёў.

Грашовыя нормы расходаў на харчаванне выраслі таксама ў цэнтрах карэкцыйнага развіцця, навучання і рэабілітацыі, школах, гімназіях і ліцэях на 10%.