Толькі некаторыя ініцыятывы «вялікага брата» сумніўныя і лепш, каб яго эксперыменты да Беларусі не дайшлі. Тым больш, што ёсць новаўвядзенні, якія могуць закрануць кожнага з нас.
Нядаўна дэпутаты Расійскай Дзярждумы прыдумалі і ўнеслі новую прапанову, каб пры арэндзе жылля ўласнік атрымліваў згоду суседзяў. Па меркаванні парламентарыяў, гэта дазволіць засцерагчы грамадзян ад непажаданага суседства з шумнымі кампаніямі, нелегальнымі мігрантамі, з тымі, хто трымае небяспечных сабак байцовых парод і г.д.
З аднаго боку, ініцыятыва зразумелая. Людзі, з пункту гледжання бяспекі, маюць права ведаць, хто жыве па суседстве. Аднак гэта парушыць правы ўласніка, які мае права па законе распараджацца сваёй кватэрай як заўгодна. З практыкі вядома, што бываюць такія людзі, што са скуры вылезуць, каб зрабіць назло суседу. Некаторыя са шкоднасці могуць не даць «дабро». І ў каго браць дазвол у шматпавярховым доме: у суседзяў па лесвічнай клетцы ці з усяго пад’езда? Дэпутаты яўна перабралі…
Ад арэнды могуць жа і далей пайсці. Дзе гарантыя, што пры продажы кватэры таксама не запатрабуюць дазвол суседзяў? Яе ж можа купіць і чалавек, які прыедзе з пітбультэр’ерам, ці проста не спадабаецца. І тады чалавек не зможа яе прадаць.
У чыю галаву прыйшла такая заканадаўчая ініцыятыва і каму гэта выгадна? Мяркую, што бяспека суседзяў тут – прыкрыццё нейкіх іншых мэтаў. Хоць асаблівага клопату суседзям сабакі і не дастаўляюць, і людзі ўжо звыкліся з гэтым. Правілы пражывання дастаткова ўрэгуляваны рознымі заканадаўчымі актамі. Калі змагацца з байцовымі сабакамі, то прасцей увесці забарону трымаць гэтых сабак у кватэрах.
А вось накласці лапу і стварыць нейкую шэрую схему для хабару тут можна. Маючы ўладу, чыноўніку прасцей «угаварыць» незгаворлівага суседа, які не дае дазвол. А гаспадару трэба толькі «аддзякаваць» за дапамогу. Колькі будзе каштаваць «дабро» суседзяў, можа, дэпутаты Думы для сябе і палічылі. Але ці палічылі яны, колькі дабавіцца работы міліцыі і судам, колькі нерваў сапсуюць людзі?
Cпадзяюся, што гэты абсурдны закон не пройдзе ў Расіі, і беларуская ўлада такія ініцыятывы за прыклад браць не будзе.
После преследования в Беларуси Марина Зелёная переехала в Грузию, где создала проекты поддержки для соотечественников.…
32 чалавекі выйшлі на свабоду. Для іх родных гэта галоўнае. Не тэрміны, не артыкулы, не…
Дар убеждения или гипноз? Об этом говорят люди, которые стали жертвами телефонных мошенников. Как же…
Мошенники по телефону никогда сразу не говорят о деньгах. Обычно разговор начинается издалека. Звонят якобы…
Ирине позвонили в конце рабочего дня, когда телефон и так не замолкал. За несколько часов…
В Лиссабоне иногда хочется сделать паузу в прогулках по улицам. Например, к вам приехали гости…
This website uses cookies.
Read More