Свята ў вёсцы Малькавічы: сцэнарый нязменны

“Ужо колькі год хаджу – усё адно і тое ж. Сумна! Няўжо ж з інтэрнэта нельга нешта падглядзець і зрабіць?” – абуралася адна з мясцовых жанчын, Алена.

Падчас афіцыйнай часткі са сцэны агучылі інфармацыю пра колькасць жыхароў у вёсцы, адзначылі юбіляраў, узнагародзілі гаспадароў лепшага падворка, павіншавалі дзяцей, якія ідуць ў гэтым годзе ў школу.

Далей свята праходзілі па звычайнай праграме: шашлыкі і юшка, салодкая вата і попкорн, батут, бяспройгрышная латарэя даўно ўжо сталі традыцыйнымі атрыбутамі  мерапрыемства. А для аматараў патанцаваць са сцэны гучалі сучасныя хіты. Фальклору – полькі ці вясёлых прыпевак пад гармонік – на свяце не хапала.

“Я б і рады на гармоніку пайграць, але ж прыказу не было… А я так лічу: калі свята вясковае, то і песні павінны быць народныя, каб ад душы ішлі, а не пад фанаграму“, – сказаў гарманіст Міхаіл Матвеенка.

ВЁСКА МАЛЬКАВІЧЫ. ФОТАРЭПАРТАЖ.