Дзяці гулялі ў вяселле ў Доме рамёстваў

Маленькім удзельнікам мерапрыемства расказалі пра некаторыя абавязковыя этапы вяселля. Падчас сватання сваты ехалі з боку жаніха ў дом нявесты. Калі сям’я нявесты была супраць шлюбу, гасцям выкочвалі гарбуз. Калі жаніх быў чаканы, накрывалі застолле.

Праз тыдзень пасля ўдалага сватання адбываліся заручыны. Фактычна, гэта сямейныя пасядзелкі  перад вяселлем, падчас якіх вырашаліся ўсе пытанні, ад даты шлюбу да колькасці гасцей, а маладыя абменьваліся пярсцёнкамі. Традыцыйныя рытуальныя страва – яечня, таму пасля заручынаў дзяўчына лічылася “заетай” ці “заручанай”.

Апошнім перадшлюбным этапам вяселля была суборная субота, ці вянкі. Дзяўчаты плялі вянок для нявесты, рабілі кветкавыя ўпрыгожванні, якія пазней зашпіляць моладзь. Калі дакладней, гэта аналаг сучасных дзявочнікаў і хлапечнікаў.

А пасля наступала вяселле: вясёлае свята, падчас яго адбывалася мноства розных абрадаў. У адным з іх – пасядзець на кажуху – дазволілі паўдзельнічаць і выхаванцам дзіцячага садка: дзяўчынкі садзіліся на кажух у нявесціным вянку, хлапчукі – у жаніховым капелюшы. А раней нявесту садзілі на кажух, каб ў яе была добрая жаноцкая доля.

Глядзіце фотарэпартаж: