“Нортэкс стандарт”. Клопат ці лахатрон?

Як стала вядома, прадаўцы ААТ “БелРусТам” з г. Баранавічы ходзяць па кватэрах ганцаўчан, збіраюць сходы каля шматпавярховікаў і настойліва, нават напорыста прапануюць свой тавар. Пры гэтым прапануюць вялікія скідкі і ўстанаўліваюць фільтр адразу.

Першапачатковае рашэнне набыць яго ў патэлефанаваўшай нам жанчыны змянілася роздумам: ці сапраўды добра чысціць ваду фільтр, што гэта за прыбор-цуд і ці не задорагаза яго заплачана? Сумненні выклікала менавіта сапраўдная “псіхалагічная атака”прадаўцоў “Нортэкс стандарт”, а пазней – адмоўныя водгукі аб прыборы ў інтэрнэце.

“ГЧ” расследуе гэтае пытанне. Просьба да ганцаўчан, якія набылі тавар або былі сведкамі продажу і ўстаноўкі фільтра “Нортэкс стандарт”: выкажыце свае меркаванні наконт работы прыбора, яго кошту, дзеянняў прадаўцоў. Раскажыце, як адбывалася ў вас дамоўленасць і ўстаноўка прыбору. Што гэта, па-вашаму: клопат аб тым, каб грамадзяне пілі чыстую ваду, ці чарговы лахатрон? Чаму?

Будзем удзячны за дапамогу.