У СВК“Агарэвічы” начальства пакаралі і далі тэрмін выправіць парушэнні

Яна тычылася парушэнняў выплаты заработнай платы цялятніцам фермы №3 СВК “Агарэвічы” і парушэнняў нормаў па ахове працы. Нядаўна ў рэдакцыю прыйшоў адказ.

Нагадаем, што падставай для звароту сталі нявырашаныя праблемы недаплат па заработнай плаце цялятніцам фермы №3 СВК “Агарэвічы, грубыя парушэнні экалагічных і санітарных нормаў: жыжа цякла ў канаву і магла трапіць у раку.

Аб гэтым ужо “ГЧ” пісала ў артыкуле «Антырэкорды па зарплатах – у жывёлаводаў СВК “Агарэвічы”». Тады публікацыя выклікала негатыўную рэакцыю спецыялістаў калгаса, якія запэўнівалі, што зарплата ў гаспадарцы налічваецца законна і парушэнняў няма. Аказалася, што не ўсё законна і парушэнні ёсць.

Згодна з адказам міжраённай інспекцыі працы, парушэнні заканадаўства аб працы і аб ахове працы ў СВК “Агарэвічы” былі. Устаноўлены факты парушэнняў па выплаце зарплат асобным работнікам. За май 2013 года наймальнікам праведзена даплата да мінімальнага памеру аплаты працы жывёлаводам М.П. Фаміных і Ж.І. Кравец. Таксама ўстаноўлены факт парушэння арт. 59 Працоўнага кодэкса РБ і недаплата да мінімальнага ўзроўню аплаты працы за студзень 2013 года Н.Е. Пісарык і М.П. Фаміных.

Акрамя таго, інспекцыя ўказала на неабходнасць абсталяваць памяшканне для прыёму ежы. Прыйдзецца ліквідаваць і прывесці ў нармальны стан і жыжазборнік, з якога жыжа ракой цякла ў канаву.

Службовыя асобы СВК “Агарэвічы” прыцягнуты да адміністрацыйнай адказнасці. Праўда, якія памеры штрафаў накладзены на спецыялістаў калгаса, у дакуменце інспекцыі па працы не ўказваецца.