“Паланіца” пацвердзіла званне

Плённае шматгадовае супрацоўніцтва калектыву станоўча ацаніла не толькі атэстацыйная камісія, але і гледачы, якія прыйшлі на прэм’еру.

Творчы калектыў тэатра “Паланіца” вядомы цікавымі пастаноўкамі не толькі ў раёне. Ён неаднаразова выступаў на абласных мерапрыемствах. І новая камедыя пайшла “на ўра!”

Галоўнымі героямі лірычнай камедыі з’яўляюцца 40-гадовы Вальдэмар Крыга, які вельмі пакутуе ад рэўнасці, і яго 25-гадовая жонка Ганна – маладая і прыгожая. Дарэчы, ролі галоўных герояў сыгралі Сяргей і Алеся Занькі – маладая сямейная пара.

У хуткім часе камедыю змогуць паглядзець жыхары Агарэвічаў і іншых вёсак, куды “Паланіца” збіраецца з гастролямі.