Жніво на Ганцаўшчыне: камбайн зацягнула ў канаву, МАЗ са збожжам праваліўся

“Дзень не задаўся…”, – так лаканічна даў ацаніў чарговы дзень жніва аграном ААТ “Бярозавец”.  Уборачную саправала не толькі надвор’е  – навальніца прынесла праліўны дождж. На тарфяніках у западню трапілі камбайн і аўтамабіль “МАЗ”, які вывозіў з поля 10 тон намалочанага збожжа.

Камбайн, праходзячы чарговы круг на мягкай тарфяністай глебе сцягнула ў канаву і ён закапаўся так, что ледзьве не лёг на бок. А МАЗ спрабаваў вывезці зерне па полі, дзе расла трава, бо дарога так развязла, што там праехаць ужо было немагчыма.

Але не праскочыў – боўтнуўся так, што два магутныя трактары не змаглі яго дастаць з багны. Толькі калі прыехаў трэці, камбайн сумесна выцягнулі.

А каб выцягнуць МАЗ, работнікам калгаса ўручную прыйшлося перасыпаць вёдрамі амаль 5 тон з кузава ў прыцэп трактара.

 

Работнікі ратавалі тэхніку і 10 тон збожжа некалькі гадзін. Усе вымаклі да ніткі, але нарэшце вызвалілі з “палону” і аўтамабіль з новым ураджаем.

Стомленыя, прамокшыя людзі, запэцканыя чорнаю гразёю, якая вылятала з колаў трактароў, і ёсць тыя воіны, так званай «бітвы за ураджай».

Няблага, каб і тыя, хто толькі па тэлебачанні бачыць, як ідзе жніво і вырошчваюць збожжа, узгадвалі, якімі сіламі здабываецца хлеб, калі бачаць яго ў  магазінах.