Чаму яны здзекуюцца з пенсіянераў – не плацяць грошы за малако?!

“Раней нас разлічвалі своечасова за кожную дзесяцідзёнку. А гэты раз, наш касір Ала Лазовік грошы атрымала ў чацвер і абяцала выплаціць ў панядзелак. Панядзелак мінуў, а грошай мы так і не дачакаліся”, – расказала пенсіянерка Марыя Матусевіч.

Пенсіянерка чакала яшяшчэ некалькі дзён, а ў сераду яе цярпенне лопнула… Яна дазванілася да карэспандэнта «ГЧ» па мабільным тэлефоне і распявяла аб сваёй праблеме.

“Ды колькі можна здзекавацца з пенсіянераў, чаму касір не можа разлічыцца своечасова, што яна пуп зямлі, што парушае дамову”, – сказала М. Матусевіч.

Яна рассказала, што ўжо паведаміла аб праблеме ў сельвыканкам, але хвалюецца, што пытанне застанецца не вырашаным. “Вы ж нам паспрыяйце, бо мы ўжо не ведаем каму званіць, каб нам дапамаглі”, – сказала пенсіянерка.

Гэтую просьбу карэспандэнт “ГЧ” пераадрасавала старшыні Нацкага сельгасвыканкама Ларысе Дзмітрыеўне Мышкавец.

“За малако разлічым. Я інфармацыю па гэтым пытанні ўдакладняла. Калі будзе транспарт, то грошы людзям выплацім”, – патлумачыла па тэлефоне Ларыса Дзмітрыеўна. 

Аб вырашэнні пытанняў разліку за малако ў Агарэвіцкім сельвыканкаме можна прачытаць ў наступным артыкуле.