У Беларусі з’явяцца паштовыя маркі са славатусцямі Брэсцкай вобласці

Міністэрства сувязі і інфарматызацыі Беларусі 28 ліпеня 2023 года выпускае ў абарачэнне тры паштовыя маркі. Яны падрыхтаваны на тэму «Брэстчына» і выйдуць з серыі «Беларускі край».

Паводле інфармацыі РУП «Белпошта», праект падрыхтаваны ў супрацоўніцтве з Брэсцкім абласным выканкамам. Дызайн зроблены Яўгеніяй Бедонік, фота Сяргея Плыткевіча, а наклад кожнай маркі складае 42 тысячы экзэмпляраў.

На новых марках намаляваны славутасці брэсцкага рэгіёну. Сярод іх —  Холмскія вароты мемарыяльнага комплексу «Брэсцкая крэпасць-герой», палац Пуслоўскіх у Косава Івацэвіцкага раёна. Яшчэ адна марка прысвечана Свята-Уваскрасенскаму сабору ў Брэсце.

Спецыяльнае гашэнне на канверце «Першы дзень» адбудзецца 28 ліпеня ў аддзяленні паштовай сувязі №10 Брэста. Дзень выпуску паштовых марак у абарачэнне абраны невыпадкова: яго прымеркаввалі да свята горада.

Маркі друкаваліся ў РУП “Бабруйская ўзбуйненая друкарня імя А.Т. Непагадзіна” афсетным і поўнакаляровым спосабам.