Дзясяткі працаўнікоў Ганцаўшчыны павіншавалі з юбілеем БССР

Адметна, што 1 студзеня 1919 года быў абнародаваны Маніфест Часовага рабоча – сялянскага савецкага ўрада Беларусі, у якім было абвешчана аб утварэнні БССР (Беларускай Савецкай Сацыялістычнай Рэспублікі), асноўныя палажэнні статуса рэспублікі. Згодна дакументу, уся ўлада перадавалася Саветам рабочых, сялянскіх і чырвонаармейскіх дэпутатаў; зямля, воды, фабрыкі і заводы абвяшчаліся ўласнасцю народа.

Першы нацыянальны вопыт дзяржаўнасці ў БССР меў вялікае значэнне для  далейшага развіцця беларускага народа. У 20-я гады  праводзілася мэтанакіраваная палітыка беларусізацыі, якая ацэньвалася як нацыянальна-дзяржаўнае і нацыянальна-культурнае адраджэнне. Кіраўніцтвам БССР ставілася задача развіцця беларускай мовы, літаратуры і нацыянальнай школы.

Улічваючы ўдзел ганцаўчан у развіцці нацыянальных каштоўнасцей на мерапрыемстве адзначылі ветэранаў працы:

івана Амяляшчыка, Аляксандра Сімага, Анатолія Смаршчка, Аляксандра Свірыда, Жанну Макараву, Святлану Коўш, Ліфу Міхлюк.

Памятнымі медалямі “100 гадоў Камуністычнай партыі Беларусі  і Беларускай ССР” узнагародзілі: Анатоля Кісялёва, Іосіфа Курловіча, Валянціну Лынша, Віктара Грышмана, Веру Смаршчок, Канстанціна Мохара, Міхаіла Рулінскага, Аляксандра Лыганоўскага, Уладзіміра Бялова і Юрыя Шапеля.

Граматамі  раённай арганізацыі Кампартыі адзначылі: Тамару Локтыш, Васіля Дуліка, Кацярыну Сайка, Івана Шапялевіча, Аляксандра Бобку, Алесю Шулякоўскую, Івана Караленку.

Завяршылася ўзнагароджванне віншаваннем ганцавіцкай сямьі Аляксандры і Юрыя Кладзько, якія нарадзілі першанца 2019 года – дачушку Стэфанію.