У Раздзялавічах будзе новы старшыня СВК

Звольнены старшыня СВК афіцыйна па згодзе бакоў. Абавязкі кіраўніка гаспадаркі зараз выконвае Валерый Макарскі.

Ёсць усе падставы, што ён і ўзначаліць СВК “Адраджэнне”. Валерый Міхайлавіч Макарскі, ураджэнец вёскі Раздзялавічы, пяць гадоў таму працаваў у калгасе галоўным інжынерам, а потым звольніўся.

Для зацверджання яго кандыдатуры павінен прайсці пазачарговы сход работнікаў сельгаскааператыва.

Пасля абласнога семінару па рэканструкцыі малочна-таварных фермаў чуткі пра тое, што гэта не адзіная кадравая змена, у раёне хадзілі. У тым ліку і ў дачыненні кіраўніка СВК “Хатынічы” Фёдара Куратніка. Аднак яны не падцвердзіліся. Фёдар Мікалаевіч застаўся працаваць на сваёй пасадзе.