Газавую пліту “газавікі” мыць не абавязаны!

Галоўны інжынер РВУ газавай гаспадаркі “Ганцавічырайгаз” Дзмітрый Леанідавіч МІНІЧ:
Адказ. – Выпадак з В.І. Канановічам – з разраду тых, калі гаспадары неахайна карысталіся газавай плітой. Соплы канфорак былі заліты тлушчам, забіты харчовымі астанкамі. Работнікам райгаза прыйшлося іх прачысціць. Духоўка была ў парадку, і нашы спецыялісты проста правялі паўторны інструктаж і навучылі гаспадароў ёю карыстацца. Мінімальную суму за сваю работу, а менавіта за прачыстку соплаў, забруджаных па віне гаспадароў, абсалютна справядліва і спрабавалі ўзяць грошы нашы работнікі. Дарэчы, атрымаць грошы ў іх не атрымалася.

Хачу заўважыць, што мы не абавязаны мыць газавыя пліты тым, хто ў нас іх купіў: гарантыя на такую работу не распаўсюджваецца. Гарантыйныя абавязацельствы захоўваюцца тады, калі рэч псуецца па віне вытворцы. Калі ж у дрэннай рабоце любога прыбора, у тым ліку і газавай пліты, вінаваты яго карыстальнік, то і аплачваць рамонт павінен ён сам.