Слонім патрабуе перамен

«За 20 год у Слоніме не пабудавалі ніводнага новага прадпрыемства. Затое пабудавалі пракуратуру, міліцыю, суд, біржу працы, крамы», — нагадалі аўтары заявы.

Па іх словах, «работы няма, заробкі малыя, а цэны стала растуць, пры гэтым улады ўводзяць усё новыя і новыя падаткі».

Прадстаўнікі слонімскай дэмакратычнай кааліцыі прапануюць сабрацца як і за якія сродкі жыць у Слоніме далей.

«Мы спадзяешся, што на сход прыйдзе шмат слонімцаў. Бо эканамічная сітуацыя увесь час пагаршаецца, з працай праблема, заробкі невялікія, кошты ўвесь час растуць, людзі не ведаюць як далей выжываць. А тут яшчэ гэты абсурдны дэкрэт увялі пра „дармаедаў“», — сказаў прадстаўнік арганізатараў.

Па ягоных словах, апошнім часам усё больш слонімцаў пытаецца, калі будзе акцыя ў Слоніме.

«Усім ужо надакучыла слухаць хлусню ад уладаў, людзі хочуць выказаць сваё стаўленне да таго, што адбываецца ў краіне. Таму ў нядзелю, 19 сакавіка, кожны жадаючы атрымае такую магчымасць», — заключыў прадстаўнік кааліцыі дэмсілаў Слоніма.