Categories: Регионы

…І чулі «жывы голас» Івана Лагвіновіча

Прэзентацыю кнігі “Элегія палескага матыля” Івана Лагвіновіча арганізавалі і правялі члены клуба “Скарбніца”, які працуе пры Малькавіцкай бібліятэцы-музеі на чале з яе загадчыцай Любоўю Дзямчук.

“На чарговае пасяджэнне клуба мы запрасілі сваякоў пісьменніка, яго аднакласніцу Таццяну Шымчык, чытачоў бібліятэкі,” — расказала адна з актывістак клуба Раіса Хілюціч.

Загадчыца Любоў Леанідаўна пазнаёміла прысутных з кнігай. Гэта зборнік твораў Івана Лагвіновіча, які выйшаў пры падтрымцы Саюза беларускіх пісьменнікаў, некалькі месяцаў таму накладам 300 экзэмпляраў.

На мерапрыемстве члены клуба Эльвіра Куцко і Алена Шапялевіч чыталі творы паэта, а таксама свае вершы. А потым Любоў Леанідаўна зрабіла аматарам паэзіі сюрпрыз і ўключыла аўдыёзапіс, на  якім сам Іван Лагвіновіч чытае свае вершы каля сядзібы Адама Міцкевіча, у Завоссі.

“Мы чулі “жывы голас” паэта, — расказала ўдзельніца клуба “Скарбніца” Эльвіра Куцко. — Я слухала і думала: любоўю да адной зямлі напаўняе маё і  напаўняла яго сэрцы. Як шкада, што мне не давялося пазнаёміцца са знакамітым земляком”.

На мерапрыемства былі запрошаны і сваякі паэта. Пляменнік паэта Сяргей Лагвіновіч успомніў, якім быў дзядзька ў сям’і, што расказваў аб сваёй працы ў далёкім Данбасе, як ён смуткаваў па малой радзіме і марыў вярнуцца дамоў. Дарэчы, сваякі перадалі для музея бібліятэкі, дзе ёсць і экспазіцыя прысвечаная жыццю і творчасці  Івана Лагвіновіча, асабістыя рэчы Івана Піліпавіча – друкарскую машынку, балалайку, на якой ён іграў, салямяны капялюш, рукапісы яго твораў і шмат іншага.

Вольга Дзямчук, вучаніца мясцовай школы, упрыгожыла вечар песняй беларускіх аўтараў. А пасля прэзентацыі ўдзельнікі клуба “Скарбніца” наладзілі традыцыйнае чаяванне са смачнымі пірагамі, якія выпяклі жанчыны творчага аб’яднання. Разышліся з надзеяй сустрэцца на чарговым пасяджэнні клуба, якія праходзяць штомесяц. 

Валентина Пинчук

Recent Posts

У Гродне пенсіянер загінуў пасля сутыкнення з раварыстам

У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…

6 часов ago

Тарифы на ЖКУ хотят менять ежеквартально

Тарифы на ЖКУ планируют индексировать каждый квартал с учётом роста доходов населения. При этом оплата…

6 часов ago

В грибах Гомельщины нашли избыток цезия

В Гомельской области можно бесплатно сдать продукты на радионуклиды. В октябре проверка продуктов из частного…

6 часов ago

Замежнік перарабіў сігнальную зброю ў агнястрэльную

У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…

7 часов ago

Через «Берестовицу» запустят новые автобусы в Польшу

В конце ноября через «Берестовицу» запустят новые автобусы в Польшу. Ежедневный рейс свяжет Гродно с…

7 часов ago

За беспилотник грозит штраф и конфискация

Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…

7 часов ago