У якіх школах ужо ніколі не будзе вечароў сустрэчы выпускнікоў

З кожным годам такіх выпускнікоў становіцца ўсё болей. Бо няўмольна расце колькасць пакінутых школ, дзе замест цяпла і дзіцячых галасоў пануюць холад і мёртвая цішыня.

Няма школы – няма настрою на сустрэчу

Упершыню ў гэтым годзе не адбудзецца вечар сустрэчы ў Бучанской школе, якую зачынілі летам 2022 года. Як перажываюць гэту страту будчакі?

“Для нас гэта рана і свежая рана. Наўрад ці стануць выпускнікі збірацца ў чужой школе, нават калі іх туды запросяць”, – распавяла настаўніца англійскай мовы Алена Ціхан.

Настаўніца вучылася і працавала ў Будчы, а пасля закрыцця школы – настаўнічае ў Чудзіне і рыхтуе ў “чужой” школе вечар сустрэчы выпускнікоў.

Кажа, што былі думкі арганізаваць сустрэчу і для будчакоў, але пакуль на гэта не асмеліліся.

“Цяжка гэта перажываць, але я і сама як выпускніца, не пайшла б на вечар у іншую школу, дзе чужыя людзі, чужыя настаўнікі. Гэта тое самае, што рабіць вяселле ў чужой хаце”, – разважае Алена Канстанцінаўна.

Але ж, па яе словах, не трэба губляць аптымізму. З іншага боку, для тых, хто захоча сустрэцца, той дамовіцца ўбачыцца не ў школе. Такой жа думкі прытрымліваецца і яе калега з Будчанскай школы.

Слёзы накатваюць, калі глядзіш на фота і відэа выпускнікоў 2022 года. Іх развітанне са школай, як развітальная песня гэтай школы…

Калі захочуць, то ўбачацца

«Вельмі сумна, што зачынілася школа і не зможам сабрацца па традыцыі ў лютым. Але гэта не перашкодзіць сустракацца нам з сваімі выпускнікамі, напрыклад, летам. Канешне, мы будзем ладзіць такія сустрэчы па-за школай”, – распавяла беларусавед Валянціна Савеня з Будчы.

Зараз яна выкладае беларускую мову і літаратуру ў сёмым класе Дзяніскавіцкай школы.

Пасля цёплай размовы з Валянцінай Канстанцінаўнай на роднай мове, я вырашыла апублікаваць матэрыял менавіта на беларускай мове. Бо інакш страціцца тая глыбіня думак і перажыванняў, якія выказала настаўніца пра сваю школу і калег.

Кажа, што Будчанская школа была вельмі цёплая і ўтульная. А калектыў настаўнікаў быў вельмі спрацованы, дзе дапамагалі і падтрымлівалі адзін аднаго. А пасля закрыцця школы настаўнікі працуюць у Чудзіне, Дзяніскавічах і іншых вёсках.

Даведка:

у Будчанскай я/с-сярэдняй школе у 2022 годзе навучалася 8 дашкольнікаў, 29 вучняў, працавалі 17 настаўнікаў і тэхперсанал. Зараз будчанскіх дзяцей возяць на вучобу ў Чудзін.

Хто ў “чарзе” … на закрыццё

Не першы год ідзе размова аб закрыцці школы ў Дзяніскавічах, якую наведваюць 34 дзіцяці. У Дзяніскавіцкай школе няма 3, 10 і 11 класаў.

Вяскоўцы вельмі хвалююцца, што могуць зачыніць школу, таму гэтае пытанне не раз падымалі на сельскім сходзе.

Пад пытаннем закрыцця і Любашаўская школа, дзе зараз дзейнічае толькі пачатковая школа.

Чистую воду и лес под охрану – что ещё требуют в Денисковичах

Пустыя школы

У спісе зачыненых школ Ганцавіцкага раёна болей дзесяці ўстаноў, якія знаходзіліся ў наступных вёсках:

Будча,
Малыя Круговічы,
Лактышы,
Востраў,
Шашкі,
Задуб’е,
Нача,
Мельнікі,
Кукава-Бор,
Ліпск,
Боркі,
Гута,
Палонь,
Макава.

Пералічаныя вёскі можна лічыць паміраючымі, бо колькасць насельніцтва ў іх з кожным годам змяншаецца, а інфраструктура бяднее. Магазіны і клубы пазачынялі, ці на мяжы закрыцця. А бані разваліліся так, што са скрыпам можна прадаць на аўкцыёне.

Вяскоўцы, якія прыкіпелі к сельскаму ўкладу жыцця, імкнуцца перабрацца ў буйныя вёскі, дзе ёсць школы і магазіны. Таму традыцыя сустрэчы выпускнікоў у школе захавалася ў буйных вёсках і ў горадзе Ганцавічы.

Пяць гадоў таму ў СШ№3: «Вечер встречи с выпускниками» (Фоторепортаж)

Час сустрэчы

У суботу 4 лютага вечары адбудуцца ў 14 установах Ганцавіцкага раёна. Мінулі гады, калі выпускнікі маглі да ранку сядзець у роднай школе і ўспамінаць вучнёўскія прыгоды. Цяпер час сустрэчы у сценах школ абмежаваны.

На які час збіраюцца выпускнікі: